әлийев ишғалдин азад қилинған районларни көздин кәчүрди

әзәрбәйҗан пирезиденти илһам әлийев әрменийә ишғалийитидин азад қилинған фузули, зәңгилан, лачин вә җәбрайил шәһәрлирини екскурсийә қилди.

1583570
әлийев ишғалдин азад қилинған районларни көздин кәчүрди

түркийә авази радийоси хәвири: өзи һәйдигән бир машина билән районни екскурсийә қилған пирезидент илһам әлийев, йол бойидики вәйран қилинған аһалиләр районлирини көрсәтти.

у, азад қилинған районлардики қурулуш хизмәтлириниң башлиғанлиқини билдүрди вә сөзини давамлаштуруп, зәнгиланниң ағали йезисиниң тунҗи «әқлий иқтидарлиқ йеза» түрини йеқинда башлайдиғанлиқлирини қәйт қилди.

әзәрбәйҗан пирезиденти әлийев йәнә гүләбирт йезисиниму екскурсийә қилди вә байрақни сөйүп мумиға чиқарди.

әлийев әрмәнләрниң ишғалийәт дәвридә салған вәйранчилиқиға «бузғунчилиқ» вә «вәһшийлик» дәп баһа берип, «дүшмән уруш җинайәтлири сәвәбидин тегишлик болған ишни көрди, у хәлқарадиму җавабкарлиққа тартилиду» дегәнләрни сөзлиригә илавә қилди.


خەتكۈچ: #әзәрбәйҗан

مۇناسىۋەتلىك خەۋەرلەر