ئەزەربەيجان پ ك ك تەرىپىدىن شەھىد قىلىنغان 13 پۇقرا ئۈچۈن تەزىيە تېلەكلىرىنى يوللىدى

ئەزەربەيجان پىرېزىدېنتى ئىلھام ئەلىيېۋ بۆلگۈنچى تېرورلۇق تەشكىلاتى پ ك ك تەرىپىدىن شەھىد قىلىنغان 13 پۇقرا ئۈچۈن جۇمھۇر رەئىس رەجەپ تاييىپ ئەردوغانغا تەزىيە تېلەكلىرىنى يەتكۈزدى.

1583225
ئەزەربەيجان  پ ك ك تەرىپىدىن شەھىد قىلىنغان 13 پۇقرا ئۈچۈن تەزىيە تېلەكلىرىنى يوللىدى

تۈركىيە ئاۋازى رادىيوسى خەۋىرى: ئەزەربەيجان پىرېزىدېنتى ئىلھام ئەلىيېۋ تەزىيە تېلېگراممىسىدا مۇنداق دېدى:

«خائىنلارچە تېرورلۇق ھەرىكىتى سەۋەبىدىن 13 گۇناھسىز تۈركىيە پۇقراسىنىڭ ئۆلتۈرۈلىشى بىزنى چوڭقۇر ئازابقا سالدى. پۇقرالارغا قارىتىلغان بۇ قورقۇنچلۇق تېرورلۇق ھەرىكىتىگە چەكسىز غەزەپ – نەپرىتىمىزنى بىلدۈرىمىز. تېرورلۇقنىڭ بارلىق تۈرلىرىنى قاتتىق ئەيىبلەيمىز. يۈز بەرگەن پاجىئە ئۈچۈن سىزگە، ئۆلتۈرۈلگەنلەرنىڭ ئائىلە-تاۋابىئاتلىرىغا شۇنداقلا پۈتۈن تۈركىيە خەلقىگە تەزىيەلىرىمىزنى بىلدۈرىمىز»

ئەزەربەيجان تاشقى ئىشلار مىنىستىرى جەيھۇن بايراموۋمۇ شەھىدلەرنىڭ ئائىلە-تاۋابىئاتلىرى ۋە تۈركىيە خەلقىگە تەزىيە تېلەكلىرىنى يوللىدى.  

جەيھۇن بايراموۋ ئىجتىمائىي ئالاقە ھېسابىدا ھەمبەھىرلىگەن باياناتىدا، «13 تۈركىيە پۇقراسىنىڭ ئۆلتۈرۈلگەنلىكىگە دائىر خەۋەر بىزنى قاتتىق ئازابلىدى. شەھىدلەرنىڭ ئائىلە-تاۋابىئاتلىرى ۋە قېرىنداش تۈركىيە خەلقىگە تەزىيەلىرىمىزنى بىلدۈرىمىز. پۇقرالارغا قارىتىلغان تېرورلۇق ھۇجۇملىرىنى قاتتىق ئەيىبلەيمىز. سالامەت بولۇڭلار قېرىنداش تۈركىيە!» دېگەن سۆزلەرنى ئىشلەتتى.



مۇناسىۋەتلىك خەۋەرلەر