ilham eliyéw waksina mesilisde dunyadiki tengsizlik terepke hemmmining diqqitini tartti

ilham eliyéw ezerbeyjan waksina mesiliside bezi döletlerde körüliwatqan adaletsizlikning kishini tolimu endishige salidighanliqini bildürdi.

1575648
ilham eliyéw waksina mesilisde dunyadiki tengsizlik terepke hemmmining diqqitini tartti

türkiye awazi radiyosi xewiri: ezerbeyjan pirézidénti ilham eliyéw: «tereqqiy tapqan döletler dunya nopusining 14 pirsentini teshkil qilidu. emma bu döletler dunyadiki kowid-19 waksinilirining %53 ni zakaz qildi. yeni, hazirmu adaletsizlik we tengsizlik bar» dédi.

ilham eliyéw ezerbeyjan dölet téléwiziyesige bergen bayanatida, waksina mesiliside bezi döletlerde yüz bergen krizislarning kishini tolimu endishige salidighanliqini bildürdi.

ilham eliyéw: «goya gheyriy resmiy yéngi mustemlikichilik dewrige yaki élan qilinmighan mustemlikichilikke shahit bolmaqtimiz» dédi we  «The Non-Aligned Movement (NAM) » (ittipaqsizlar herikiti) ning nöwetchi reisi bolush süpiti bilen bu mesilini xelqara sehnide otturigha qoyidighanliqini éytti.

ilham eliyéw kanadani misal keltürüp, bu döletning nopusi 38 milyon turughluq, 154 milyon waksina zakaz qilghanliqini eskertip, «tereqqiy tapqan döletler dunya nopusining 14 pirsentini teshkil qilidu. emma bu döletler dunyadiki kowid-19 waksinilirining %53 ni zakaz qildi. yeni, hazirmu adaletsizlik we tengsizlik bar» dédi.


خەتكۈچ: #waksina , #ilham eliyéw

مۇناسىۋەتلىك خەۋەرلەر