qarabaghda türkiye – rusiye ortaq merkizi paaliyetlirini bashlidi
taghliq qarabaghda urush toxtitish kélishimining ijra qilinishini közitidighan türkiye – rusiye ortaq merkizi bügün paaliyetlirini bashlidi.
türkiye awazi radiyosi xewiri: taghliq qarabaghda urush toxtitish kélishimining ijra qilinishini közitish we kontrol qilish meqsitide teshkil qilinghan türkiye – rusiye ortaq merkizige munasiwetlik kélishim layihesi 11 – noyabir küni imzalanghanidi.
türkiye, bir général we 38 herbiy xadim bilen wezipe öteydighan ortaq merkez arqiliq rayonda urush toxtitish kélishimining izchilliqi, tinchliq we muqimliqni saqlashqa hesse qoshidu.
ezerbeyjan térrotériyeliride urush toxtitishni kontrol astigha élish üchün, türkiye – rusiye ortaq merkizi, ishghaldin azad qilinghan aghdam shehiride quruldi.
kélishim imzalanghandin buyan, türkiye – rusiye heyetliri, merkezning qurulushi üchün ortaq xizmet ishlewatatti. qurulushi tamamlanghan we türkiye – rusiye eskerliri wezipe öteydighan ortaq merkez, bügündin étibaren paaliyetlirini bashlidi.
