түркистан шәһири билән ташкәнт оттурисида йуқири сүрәтлик төмүр йол линийәси йасилиду

қазақистан баш министири әсқәр мамин түркистан шәһири билән өзбекистанниң пайтәхти ташкәнт оттурисида йуқири сүрәтлик төмүр йол линийәсиниң йасилидиғанлиқини елан қилди.

1571309
түркистан шәһири билән ташкәнт оттурисида йуқири сүрәтлик төмүр йол линийәси йасилиду

түркийә авази радийоси хәвири: қазақистанда пирезидент қасим җомәрт токайевниң рийасәтчиликидә министирлар кеңиши йиғини чақирилди.

йиғинда баш министир әсқәр мамин қазақистанда бу йил сайаһәт саһәсиниң омумий қиммити 1 тирилйон 100 милйард 100 милйон  тәнгә (йәни, 2 милйард 600 милйон доллар) лиқ селинма лайиһәлириниң әмәлгә ашурулишиға алақидар хизмәтләрниң башлинидиғанлиқини елан қилди.

баш министир әсқәр мамин қазақистанда сайаһәт ул әслиһәлирини күчәйтиш үчүн муһим қәдәмләрниң ташлинидиғанлиқини билдүрүп, қазақистандин өзбекистанғичә болған йуқири сүрәтлик пойиз йоли линийәсиниң йасилидиғанлиқини җакарлиди.

әсқәр мамин мәзкур йуқири сүрәтлик пойиз йоли линийәсиниң түркистан билән ташкәнтни туташтуридиған линийәдә йасилиши пиланланғанлиқини билдүрүп, «сайаһәтчиләрниң санини ашуруш үчүн түркистан-чимкәнт-ташкәнт линийәсидә йуқири сүрәтлик пойиз йоли линәйиси қурулуши башлиниду» деди.

 

 



مۇناسىۋەتلىك خەۋەرلەر