әзәрбәйҗан тағлиқ қарабағни азад қилиш урушида шеһит болғанлар санини елан қилди
әзәрбәйҗан армийәсиниң ишғал астидики тағлиқ қарабағ земинлирини азад қилиш күришидә икки миң 855 азәриниң шеһит болғанлиқи елан қилинди.
түркийә авази радийоси хәвири: әзәрбәйҗан дөләт мудапиә министирлиқи ,27 - сентәбир башлинип 10 - нойабир әрменийәниң мәғлубийитини қобул қилиш келишимигә имза қойуши билән ахирлашқан урушта қаза қилғанларға алақидар санлиқ мәлуматларни йеңилиди.
байанатта, буниңдин илгири икки миң 841 дәп елан қилинған шеһитләр саниниң бир қисим җәсәтләрниң тепилиши вә кимликликлириниң ениқлиниши билән икки миң 855 дәп йеңиланғанлиқи уқтурулди.
50 әскәрниң йоқап кәткәнликини елан қилған министирлиқ, йәрликкә қойулған шеһит әскәрләрниң тизимликини амма билән ортақлашти.
әзәрбәйҗан армийәсиниң 2020 - йили 9 - айниң 27 - күни қозғиған һәрикити арқилиқ бәш шәһәр мәркизи, төт базар вә 286 йезиниң азад қилишидин кейин, әрменийә мәғлубийәтни қобул қилип ишғал астидики ағдам, лачин вә кәлбәҗәр вилайәтлиридинму әскәр чекиндүридиғанлиқини вәдә қилған бир келишимгә имза қойғаниди.
әрменийә армийәси 20 - нойабирда ағдамдин, 25 - нойабирда кәлбәҗәрдин, 1 - декабирда лачиндин чекинип чиқип кәткәниди.
