japparow: 4-3 yilda qirghizistanni iqtisadiy kirizistin qutquzimen
qirghizistanda pirézidéntliq saylimida ghelibe qilghan sadir japparow siyasiy muqimliq emelge ashqan ehwalda qirghizistanni 4-3 yilda iqtisadiy kirizistin qutquzidighanliqni bildürdi.
türkiye awazi radiyosi xewiri: qirghizistanda pirézidéntliqqa saylanghan sadir japparow bishkekte ötküzülgen axbarat élan qilish yighinida, yéqinqi 30 yilda chiriklikning her sahede yiltiz tartqanliqini eskertip, chiriklikke qarshi turushta hemme kishining qolini yürikige sélip, döletni qollishi lazimliqini tekitlidi.
u xelqning özini chiriklikke qarshi turush üchün wezipige teyinligenlikini bildürüp: «kona hökümetlerning xataliqlirini ötküzmeymiz, siyasiy bésim qilishtin yiraq turimiz, qanunning hemmidin üstünlükidin ibaret pirinsipqa xilapliq qilghanlargha köz yummaymiz» dédi.
u qirghizistandiki mesililerni hel qilish üchün 2-1 yil waqitning yetmeydighanliqini eskertip: «siyasiy muqimliq ornitilghan ehwalda qirghizistanni iqtisadiy kirizistin 4-3 yilda qutquzimen» dédi.
qirghizistan merkiziy saylam we référandum komitétining bashliqi nurjan shaildabékowa gheyriy resmiy netijilerge köre, tashlanghan awazlarning %79.18 ge érishken sadir japparowning pirézidéntliqqa saylanghanliqini élan qilghan idi.
qazaqistan pirézidénti qasim jömerttoqayéw sadir japparowgha téléfon qilip, uni tebriklidi.
sadir japparowmu qazaqistanda parlamént saylimining muweppeqiyetlik ötküzülgenliki munasiwiti bilen, qasim jömerttoqayéwni tebriklep, uning teklipige binaen birinchi chet el ziyaritini qazaqistandin bashlaydighanliqini bildürdi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
