qirghizistanda hem pirézidéntni, hem dölet tüzimini belgilesh saylimi bashlandi

qirghizistan xelq kelgüsi 6 yil boyiche wezipe öteydighan pirézidéntini saylash we döletning bashqurulush sheklini belgilesh üchün sanduq béshigha bardi.

1560614
qirghizistanda hem pirézidéntni, hem dölet tüzimini belgilesh saylimi bashlandi

türkiye awazi radiyosi xewiri: texminen 6 milyon 500 ming nopusqa ige qirghizistanda, 3 milyon 563 ming 574 saylighuchi bélet tashlashni bashlidi.

saylamda pirézidéntliq üchün sabiq bash ministir sadir japarow, sabiq parlamént bashliqi adaxan madumarow, sabiq dölet bixeterlik komitéti bashliqi abdil segizbayéw we asasiy qanun sot mehkimisining sabiq ezasi klara soronkulowa qatarliq 17 namzat riqabetleshmekte.

sanduq béshidiki xadimlar saylighuchilargha tarqatqan ikki bélette, 17 namzatning ismi we hemmini ret qilish katakchisi, shundaqla 2010 - yilidin buyan parlamént tüzümi bilen bashquruliwatqan dölet tüzimini belgilesh üchün «pirézidéntliq dölet tüzimi», «parlamént tüzümi» we «hemmige qarshi» qatarliq tallash katakchilirigimu orun bérildi.

pirézidéntliq saylimida béletning yérimidin bir bélet köp alghan namzat saylanghan hésablinidu. eksiche bolghanda eng yuqiri béletke érishken ikki namzat ikkinchi basquchluq saylamgha chüshidu.

4 - öktebir ötküzülgen parlamént ezaliri saylimi netijisining bikar qilinishini telep qilghan öktichi partiye qollighuchilirining namayishliri zorawanliqqa aylinip ketkendin kéyin pirézidéntliq binasi  we parlamént binasi ishghal qilinghan idi.


خەتكۈچ: #saylam , #qirghizistan

مۇناسىۋەتلىك خەۋەرلەر