әзәрбәйҗан түркийәни қоллаш мәйданини намайан қилди

әзәрбәйҗан пирезиденти илһам әлийев: «американиң түркийәгә қарши чиқарған ‹S-400› ембарго қарарини ‹қобул қилғили болмайду›, ‹адаләтсизлик› вә ‹қанунға хилаплиқ қилишниң бир көрсәткүчи›» дәп атиди.

1545634
әзәрбәйҗан түркийәни қоллаш мәйданини намайан қилди

түркийә авази радийоси хәвири: әзәрбәйҗан пирезиденти илһам әлийевниң мәслиһәтчиси һикмәт һаҗийев американиң түркийәгә қарши чиқарған ембарго қарари тоғрисида йазма байанат елан қилди.

байанатта төвәндики ипадиләргә орун аҗритилди:

«пирезидент илһам әлийев түркийәгә қарши бир тәрәплимилик һалда чиқарған ембарголарни қобул қилғили болмайду дәп қарайду. натоға әза бәзи дөләтләр охшаш һава мудапиә қалқан системисини ишлитиватқан вақитта, түркийәгә қарши ембарго йүргүзүш адаләтсизлик һесаблиниду. пирезидент илһам әлийев бу әһвални қош өлчәм вә қанунға хилаплиқ қилишниң бир көрсәткүчи дәп қарайду.

пирезидент илһам әлийев ембарголарниң түркийәниң мудапиә қабилийитини күчәйтиш қәдәмлирини тосуп қалалмайдиғанлиқиға ишинидиғанлиқини билдүрди. түркийәниң мәзкур мәсилини мунасивәтлик гуруппа даирисидә обйектип музакирә қилиш тәклиплири җавабқа еришәлмиди.»

у әзәрбәйҗанниң түркийәни, түркийәниңму әзәрбәйҗанни қоллиғанлиқини, һәр икки дөләтниң һәр даим бир-бирини қоллап кәлгәнликини әскәртип, 10-декабир (2020) пайтәхт бакуда өткүзүлгән зәпәр парати мурасимиға рәҗәп таййип әрдоғанниң иштирак қилғанлиқиниң, бу иттипақлиқниң мисали икәнликини қәйт қилди.

америка түркийәниң русийәдин «S-400» һава қалқан мудапиә системилири сетивалғанлиқи сәвәбидин түркийәгә қарши бәзи ембарголарни йүргүзүшни қарар қилған иди.   



مۇناسىۋەتلىك خەۋەرلەر