گېرمانىيەدە تۈركلەر ئەزەربەيجاننى قوللاش يىغىلىشى ئۆتكۈزدى

تۈركىيە ئاۋازى رادىيوسى خەۋىرى: ئەزەربەيجان مەدەنىيەت ئۆيى تەشكىللىگەن يىغىلىش كۆلىندىكى تارىخىي چوڭ چېركاۋىنىڭ ئالدىدا ئۆتكۈزۈلدى.

يىغىلىشقا قاتناشقۇچىلار فىرانسىيە پارلامېنتىنىڭ «تاغلىق قاراباغنى مۇستەقىل دۆلەت دەپ ئېتىراپ قىلىش» تەۋسىيە قارارىغا نارازىلىق بىلدۈردى.

ئەرمەنېيە قىسىملىرىنىڭ ھۇجۇملىرىدا ھاياتىدىن ئايرىلغان ئەزەربەيجان ئەسكەرلىرى ۋە پۇقرالىرى خاتىرىلەندى.

سوغۇق ۋە يامغۇرلۇق ھاۋارايىغا قارىماستىن ئۆتكۈزۈلگەن نامايىشتا، ئەزەربەيجان بايراقىدىن باشقا يەنە تۈركىيە ۋە گېرمانىيە بايراقلىرىمۇ ئېچىلدى.