ezerbeyjan shéhitlirini eslidi

ezerbeyjanda ishghal astidiki zéminlirini azad qilish üchün qilinghan herbiy heriketlerde shéhit bolghan eskerler, hörmet bilen eslendi.

1539673
ezerbeyjan shéhitlirini eslidi

türkiye awazi radiyosi xewiri: weten urushida janlirini péda qilghan shéhitlirini esligen ezerbeyjanda, hayat bir minut toxtidi. shu yer waqti 12:00 de kishiler aptomobilliridin chüshüp hörmette turdi, arqidin düdük chaldi. bakudiki shéhitlar qebristanliqini ziyaret qilghan kishiler saet 12:00 ni körsetkende, hörmette turdi. bu jeryanda, hazar déngizi sahilidiki paraxotlarmu düdük chaldi.

türkiyening bakuda turushluq elchixanisidimu, elchixana xadimliri hörmette turup shéhitlarni eslidi.

ezerbeyjanning ikkinchi chong shehiri bolghan genjede saet 12:00 bolghanda, hayat bir minut toxtidi. sheher meydanigha orunlashturulghan ghayet zor téléwizor ékranida, toqunushlargha we qolgha keltürülgen ghelibilerge munasiwetlik körünüshler körsitildi. sheher meydanigha toplanghan kishiler hörmette turdi.

pirézidént ilham eliyéw we repiqisi mihriban eliyéw etigende baku shéhitlar qebristanliqida ötküzülgen murasimgha qatnashti. ilham eliyéw ebediy meshel munarigha gülchembirek qoydi.

ezerbeyjan dölet mudapie ministirliqi 2020-yili 27-séntebir bashlanghan we 10-noyabir erméniyening yingilgenlikini qobul qilip, imza qoyushi bilen axirlashqan urushta, 2 ming 783 ezerbeyjan eskirining shéhit bolghanliqini élan qilghan idi.

erméniye ezerbeyjan armiyesi 27-séntebir bashlighan herbiy herikette, besh sheher merkizini, töt yéza bazar we 286 yézini azad qilghandin kéyin, yingilgenlikini qobul qilghan idi.

erméniye imza qoyghan kélishim boyiche, ishghal astidiki aghdam, lachin we kelbejeridin chékingen idi.



مۇناسىۋەتلىك خەۋەرلەر