azad qilinghan lachin sheher merkizige 28 yildin kéyin ezerbeyjan bayriqi tikildi
erméniye 1992 - yili ishghal qiliwalghan lachin wilayiti sheher merkizige aridin 28 yil ötkendin kéyin ezerbeyjan eskerliri bayraq tikti.
türkiye awazi radiyosi xewiri: ezerbeyjan dölet mudapie ministirliqi hembehirligen körünüshlerde, sheherge kirgen ezerbeyjan eskerliri qomandani lachinda bayraq asqan binaning aldida pirézidént ilham eliyéwgha xitaben, «hörmetlik bash qomandanim! ezerbeyjan bayriqi lachin shehiride lepildimekte. yashisun ezerbeyjan! yashisun bash qomandan! qarabagh ezerbeyjandur!» dégenliki körüldi.
ezerbeyjan armiyesi 27 - sinttebirde qozghighan heriket netijiside, 5 sheher merkizi, 4 yéza-bazar we 286 yézini ishghaliyettin azad qilghandin kéyin, erminiye yéngilgenlikini qobul qilghan hemde ishghaliyiti astidiki aghdam, lachin we kelbejer wilayetliridinimu chékinishni öz ichige alghan urush toxtitish kélishimini imzalighan idi.
erméniye qisimliri 20 - noyabir aghdamdin, 25 - noyabir kelbejerdin we tünügün lachindin chékinip chiqti.