әзәрбәйҗан армийәси кәлбәҗәрдә байрақ қадиди

түркийә авази радийоси хәвири: әзәрбәйҗан дөләт мудапиә министирлиқи, әзәрбәйҗан билән әрменийә имзалиған келишимгә асасән, әрменийә армийәси 25 – нойабир күни бошатқан кәлбәҗәрниң көрүнүшлирини тарқатти.

көрүнүшләрдә, шәһәрдики өй – имарәтләрниң вәйран қиливетилгәнлики вә көйдүрүветилгәнлики, көп санда дәл – дәрәхләрниң кесип ташланғанлиқи көрүлиду.

шәһәр мәркизидики өз пети сақлинип қалған биналардин биригә киргән әзәрбәйҗан әскәрлири, әтрапни тазилап, бинаға әзәрбәйҗан байриқини асиду.

шәһәргә киргән әскәрләрниң қомандани, бинаниң алдида пирезидент илһам әлийевға хитабән, «һөрмәтлик баш қоманданим, әзәрбәйҗан байриқи кәлбәҗәр шәһиридә ләпилдимәктә. әзәрбәйҗан йашисун! баш қомандан йашисун! қарабағ әзәрбәйҗандур» дәйду.

әзәрбәйҗан армийәсиниң 27 – сентәбир күни қозғиған һәрбий һәрикити давамида, 5 шәһәр мәркизи, 4 кәнт вә 286 йеза азад қилинғанди кейин, әрменийә мәғлубийитини етирап қилған, арқидинла, ағдам, лачин вә кәлбәҗәр вилайәтлирини бошитиш нишан қилинған келишимни имзалиғаниди.

әрменийә, уруш тохтитиш келишимигә асасән,  20 – нойабир күни ағдамдин, 25 – нойабир күни кәлбәҗәрдин чекингәниди.