хәлқара түрк күлтүр вә мирас фондин фузулиниң вәйран қилинишиға наразилиқ билдүрүлди

хәлқара түрк күлтүр вә мирас фондиниң мәсули гүнай әфәндийева, ишғал астидики әзәрбәйҗан шәһәрлиригә от қойуп берип, вәйран қилған әрменийәгә наразилиқ билдүрүп, дунйа җамаәтчиликини бу әһвалға сүкүт қилмаслиққа чақирди.

1535149
хәлқара түрк күлтүр вә мирас фондин фузулиниң вәйран қилинишиға наразилиқ билдүрүлди

түркийә авази радийоси хәвири: әфәндийева, ишғалдин азад қилинған фузули шәһирини зийарәт қилғанлиқини вә бу йәрдә көргән ечинишлиқ мәнзириләрдин толиму әпсуслинидиғанлиқини әскәртиш билән бир вақитта, фузулидики барлиқ өй – имарәтләргә от қойуветилгәнликини, бирму сағлам бина қалмиғанлиқини, пуқрави өй – маканлар вә тарихий йадикарлиқларниң йоқ қилинишини қаттиқ әйибләйдиғанлиқини тәкитләп мундақ деди: «фузулида қорқунчлуқ мәнзириләрни көрдуқ. бу йәрдә тарихий абидәләр, җамәләр, мәқбәрәләр, карвансарайлар вә биналар вәйран қилинипту. дунйа җамаәтчилики  бу қилмишларға сүкүт қилмаслиқи вә бу һәқтә қануний җәһәттин тегишлик қәдәмләрни ташлиши керәк.»

әрменийә уда 27 йил ишғал астида тутқан фузули шәһири, 17 – өктәбир күни азад қилинғаниди.



مۇناسىۋەتلىك خەۋەرلەر