ezerbeyjan firansiyege naraziliq bildürdi

ezerbeyjan tashqi ishlar ministirliqi, firansiye palatasining atalmish «taghliq qarabagh jumhuriyiti»ni étirap qilghan qararigha «bir tereplime» we «ighwager» dep baha berdi.

1534676
ezerbeyjan firansiyege naraziliq bildürdi

türkiye awazi radiyosi xewiri: ezerbeyjan tashqi ishlar ministirliqi yazma bayanat élan qilip, firansiye palatasining atalmish «taghliq qarabagh jumhuriyiti»ni étirap qilish toghrisidiki qararigha «bir tereplime» dep baha berdi we qattiq naraziliq bildürüp, «firansiye palatasining bir tereplime bir qararni maqullishini ighwagerchilik dep qobul qilishqa bolidu» dédi

mezkur qararning ijraiye küchi yoqluqi qeyt qilinghan bayanatta, «muresseleshtürgüchilk rolini üstige alghan bir dölet teripidin bundaq bir qararning qobul qilinishi, bu döletning biterepliki toghrisida éghir guman peyda qilidu. bu qarar, ezerbeyjan xelqining neziride adil muresseleshtürgüchi dep qarilidighan firansiyening inawitigimu tesir yetküzidu» dégen ibarilerge orun bérildi.

firansiyediki ermenlerning taghliq qarabagh mesilisidin saylamdin ilgiri suyiistémal qilghanliqi tekitlengen bayanatta, firansiye hökümitining ezerbeyjanning zémin pütünlükini qollaydighanliqini ipadiligenliki xatirilitip ötüldi we «firansiye palatasi, xata mölcherlerge tayanghan bundaq qararlarni qobul qilishning ornigha tinchliq, muqimliq we tereqqiyatqa xizmet qilidighan paaliyetler bilen meshghul bolsa, hem firansiyening menpeetliri hem rayonning sijil tereqqiyatigha yardemchi bolatti» dégen ibarilerge orun bérildi.

firansiye palatasi tünügün atalmish «taghliq qarabagh jumhuriyiti» ni étirap qilish qarar layihesini qobul qilghanidi.



مۇناسىۋەتلىك خەۋەرلەر