erméniyening ezerbeyjandiki urush jinayiti resmiy doklat bilen xelqara sotqa sunilidu
organlarni tekshürüsh idarisi (KDK) ezerbeyjanning taghliq qarabagh rayonida erméniye qisimliri ötküzgen kishilik hoquq depsendichiliki heqqide doklat teyyarlidi.
türkiye awazi radiyosi xewiri: organlarni tekshürüsh idarisi (KDK) ning bash tekshürgüchisi sheref malkoch erméniye armiyesining ezerbeyjanda ötküzgen urush jinayiti mulahize qilinghan doklatni mushu heptidin bashlap yawropa ittipaqi, türkiye we dunyadiki munasiwetlik organ - teshkilatlar bilen yawropa ittipaqi parlaméntlirining kishilik hoquq komitétlirigha yollaydighanliqini élan qildi.
sheref malkoch doklat teyyarlash jeryanida, ezerbeyjangha bérip, erméniye qisimlirining hujumida ziyangha uchrighan puqralar olturaq rayonini tekshürgenlikini eskertip, ermenéyening hujumliri tüpeylidin 94 ezerbeyjan puqrasining qaza qilghanliqini, 414 kishining yarilanghanliqini bildürdi.
sheref malkoch: « erméniye qoralliq qisimlirining hujumliri tüpeylidin qaza qilghan puqralarning foto - süretlirini we qeyerlerde shéhit qilinghaliqlirini ayrim ayrim tekshürüp chiqtuq» dédi.
sheref malkoch erméniyening kishilik hoquq depsendichiliki sewebidin xelqaraliq sotlarda sotqa tartilishida bu doklatning ispat bolidighanliqini uqturdi.
doklat, bashqurulidighan bombilar bilen weyran qilinghan puqralar olturaq rayonining resimlirini we buzghunchiliqliqlirini namayan qilip bérish bilen birge hujumda 3410 ayrim öy, 120 qoruluq turalghular we 512 puqrawi mussisening éghir buzghunchiliqqa uchrighanliqi öz ichige alidu.
