ezerbeyjan armiyesi aghdamgha kirdi
ezerbeyjan armiyesi uda 27 yildin buyan erméniyening ishghaliyiti astida turuwatqan aghdam wilayitige kirdi.

türkiye awazi radiyosi xewiri: ezerbeyjan dölet mudapie ministirliqining bildürüshiche, ezerbeyjan bilen erméniye otturisida rusiyening muressechilikide imzalanghan urush toxtitish kélishimige asasen, ezerbeyjan armiyesi aghdamgha kirgen.
aghdam wilayitining texminen % 77 lik qismi, 1993 yili erméniye armiyesi teripidin ishghal qilinghanidi.
ishghal sewebidin texminen 200 ming ezerbeyjanliq tughulghan yurtlirini terk étishke mejbur bolghanidi.
ishghal dewride ermenler teripidin bulang - talang qilinghan we ot qoyup bérilgen aghdam sheher merkizi we yézilirining köp qismi xarabilik we qaqasliqqa aylinip qalghanidi.
ezerbeyjan armiyesining 27 – séntebir küni qozghighan herbiy herikiti dawamida, 5 sheher merkizi, 4 kent we 286 yéza azad qilinghandin kéyin, erméniye meghlubiyitini qobul qilghan, ishghal astidiki aghdam, lachin we kelbejer wilayetlirinimu boshitishi nishan qilinghan urush toxtitish kélishimini imzalighanidi.
مۇناسىۋەتلىك خەۋەرلەر

ezerbeyjanda sheher-yéza we kent mejlis ezaliqi üchün saylam ötküzüldi
ezerbeyjanda sheher, yéza-bazar we kent mejlis ezaliqi üchün saylam élip bériliwatidu.