ilham eliyéw türkiye heyitining ziyaritini qobul qildi

ezerbeyjan prézidénti ilham eliyéw, «taghliq qarabagh herikitide yéqinqi 44 kün boyiche  qérindishimiz türkiyening  yardimini daim hés qilip kelduq» dédi.

1525698
ilham eliyéw türkiye heyitining ziyaritini qobul qildi

türkiye awazi radiyosi xewiri: ezerbeyjan pirézidénti ilham eliyéw, tashqi ishlar ministiri mewlut chawushoghlu, dölet mudapie ministiri xulusi aqar, quruqluq armiyesi qomandani général ümit dundar we milliy istixbarat teshkilati bashliqi haqan fidanning ziyaritini qobul qildi.

mewlut chawushoghlu, xulusi aqar, ümit dundar we haqan fidan ezebeyjanda ilham eliyéw bilen körüshti.

ilham eliyéw ezerbeyjanning taghliq qarabaghda qolgha keltürgen ghelibisidin kéyinki tunji yüzturane uchrishishi bolghanliqini bildürüp, «bu uchrishishmu elwette qérindashlirim bilen bolmaqta. men jumhur reis rejep tayyip erdoghan bilen (téléfonda) körüshtüm we kelgüsi xizmitimiz toghrisida meslihetleshtim» dédi.

ilham eliyéw türkiyening ezerbeyjanni qollighanliqigha rehmet éytip, «ötken 44 kün boyiche élip barghan heriketlirimizde, qérindishimiz türkiyening  yardimini daim hés qilip kelduq. imzalanghan urush toxtitish kélishimidin kéyin, türkiyede biz körgen meziriler qelbimizni illitti. türk qérindashlirimiz bu ghelibini öz zepiridek qutlidi » dédi.

türkiyening bergen yardimi sayisida, iradisining kücheygenlikini tekitligen eliyéw, 30 yildin kéyin öz zéminini ishghaliyettin qutuldurushning satliqi ichide ikenlikini tekitlidi.

ilham eliyéw jumhur reis erdoghan bilen ötküzgen söhbitide, türkiye - rusiye otturisida qurulidighan «urush toxtitishni kontrol qilish ortaq merkizi» ni muzakire qilghanliqini  bildürüp, «buni muhim bir qedem dep qaraymen. taghliq qarabagh kiriziside türkiye bilen rusiyening barawer rolgha ige bolishini telep qilghan iduq we mana bügün buni qolgha keltürduq» dédi.

ilham eliyéw erméniyening ishghal qilinghan rayonlardin chékinishi üchün waqit jedwel békitilgenlikini eskertti hemde bu wejidin mezkur urush toxtitish ortaq kontrol merkizining baldurraq qurushlishining paydiliq ikenlikini tekitlidi.



مۇناسىۋەتلىك خەۋەرلەر