ilham eliyéw ezerbeyjanning zepirini tebriklidi

ezerbeyjan pirézidénti ilham eliyéw döliti bilen erméniye otturisida taghliq qarabaghqa munasiwetlik tüzülgen kélishim ramkisida 00:00 (enqere waqti) din bashlap urush toxtitishning élan qilinghanliqini bildürdi.

1525108
ilham eliyéw ezerbeyjanning zepirini tebriklidi

türkiye awazi radiyosi xewiri: ezerbeyjan pirézidénti ilham eliyéw xelqqe xitab qilip sözligen nutuqida, ezerbeyjan, erméniye we rusiye otturisidiki ortaq xitabnamening imzalanghanliqini eskertip, xitabnamening maddilirini oqudi.

u kélishim boyiche, herbiy heriketlerning toxtighanliqini, ezerbeyjan bilen erméniyening kontrol qiliwatqan nuqtilirida turidighanliqini bildürdi.

u kelbejerning 15-noyabirda, aghdam rayonining 20-noyabirda we lachinning 1-dékabirda ezerbeyjangha qayturup bérilidighanliqini uqturdi.

u mundaq dédi:

«taghliq qarabaghning uchrishish linyesi we lachin karidorida rusiye tinchliq küchliridin yinik tipliq qorallar bilen qorallanghan 1960 esker we 90 herbiy aptomobil orunlishidu. rusiye tinchliq küchliri taghliq qarabaghda besh yil turidu. terepler naraziliq bildürmise, bu muddet uzartilidu. köchmenler yurt-makanlirigha qaytidu. esirler we jesetler özara almashturulidu. rayondiki barliq iqtisadiy we qatnash torliri qaytidin tesis qilinidu. ezerbeyjanning gherbtiki wilayetliri bilen nehchiwan aptonom jumhuriyiti otturisidiki qatnash karidori échilidu.»

u türkiye jumhur reisi rejep tayyip erdoghangha, toqunushlar jeryanida ezerbeyjanni qollighanliqigha teshekkür éytip, mundaq dédi:

«bügünki xitabnamede, rusiye bilen türkiyening ortaq tinchliq küchi wezipisini üstige élishi orun alidu. rayon uchrishishliri toghrisida pütünley yéngi yol yaritimiz.»

u kélishimning erméniyening yingilgenlikini bildüridighanliqini alahide eskertip: «pashinyan kélishimni özi xalap emes, belki ezerbeyjanning tömür mushti netijiside imzalidi. bu kélishim bizning shanliq zepirimiz. 2020-yili 27-séntebirgiche 300 etrapida turalghu rayonining azad qilinishi, erméniye armiyesining bélini sundurdi. shunga, pashinyan bu kélishimni imzalashqa mejbur boldi» dédi.

ilham eliyéw qolgha keltürülgen muweppeqiyetler munasiwiti bilen, ishghaldin azad qilinghan rayonlardiki xelqlerni we barliq ezerbeyjan xelqini tebriklidi.

u barliq shéhitlar we xojali qurbanliri intiqamining hessilep élinghanliqini tekitlep: «pütkül dunya ezerbeyjan xelqining yingilmes we tömür iradige ige xelq ikenlikini kördi» dédi.  



مۇناسىۋەتلىك خەۋەرلەر