erméniye meghlubiyitini étirap qildi

erméniye taghliq qarabaghda ezerbeyjangha yéngilip qalghanliqini étirap qildi

1524854
erméniye meghlubiyitini étirap qildi

türkiye awazi radiyosi xewiri: erméniye bash ministiri nikol pashinyan ijtimaiy taratqu arqiliq bayanat bérip, «rusiye we ezerbeyjan bilen (taghliq qarabaghdiki) urushqa xatime bérish toghrisida kélishtuq» dédi.

pashinyanning bayanatidiki «rusiye lidéri wiladimir putin we ezerbeyjan lidéri ilham eliyéw bilen urush toxtitish toghrisida birleshme kélishim imzaliduq. bashqa tallishim yoq idi, bu men we erméniye xelqi üchün intayin azabliq bir ish» dégen ibariler diqqetni tartti.

erméniye bash ministiri bayanatida, «qararim chongqur tehlil qilish we herbiy weziyetni bilidighan kishilerning pikirlirige asasen  chiqirildi» dégenlerni qeyt qildi.

xelqning özige naraziliq bildürüp namayish ötküzgenliki toghrisidimu toxtalghan pashinyan, «xelqni isyan kötürüshke chaqirghan barliq kishiler qanunning aldida hésab béridu» dédi.

bu jeryanda, erméniyede , bolupmu paytext eriwanda pashinyangha qarshi namayishlar dawamlishiwatqan bolup, buningdin burun hökümet binasigha bésip kirgen namayishchilar, bu qétim parlamént binasigha kirip bash ministirgha qarshi shoarlarni towlidi.

parlamént supisigha chiqqan bir qisim namayishchilar, qarabaghdiki toqunushni dawamlashturushni telep qildi.

ezerbeyjan armiyesi 27- séntebirde taghliq qarabaghdiki 30 yilliq erméniye ishghaliyitige xatime bérish üchün herbiy heriket élip bérishqa bashlighanidi.



مۇناسىۋەتلىك خەۋەرلەر