erméniye qisimliri aldinqi septe éghir chiqimgha uchridi
ezerbeyjan armiyesining aldinqi sepning oxshimighan nuqtilirida we ahaliler rayonlirida oq chiqarghan erméniye qisimlirini éghir chiqimgha uchratqanliqi bildürüldi.
türkiye awazi radiyosi xewiri: ezerbeyjan dölet mudapie ministirliqi aldinqi sep weziyiti toghrisida bayanat élan qildi.
bayanatta, toqunushlarning asasliqi terter, aghdam, xojawend, zengilan we gubadli yönülüshliride dawamlishiwatqanliqi qeyt qilindi.
yéqinqi 24 saette aldinqi sepning oxshimighan yönülüshliride, erméniye armiyesining ikki dane « T-72» tipliq tankisi, üch dane «D-30» tipliq zembiriki, bir dane «M-55» ayropilan atari, bir dane uchquchisiz ayropilani we üch dane aptomobili pachaqlap tashlanghan, nurghun eskerliri bir terep qilinghan.
erméniye qisimlirining aldinqi sepning bezi nuqtilirida, esker we herbiy esliheliirning éghir chiqimgha uchrishi sewebidin chékinishke mejbur bolghanliqi eskertildi.
aldinqi sepning ezerbeyjan armiyesining kontrolluqida ikenliki tekitlendi.
