lawrow rusiye - türkiye munasiwetliri we taghliq qarabaghning weziyiti üstide toxtaldi

rusiye tashqi ishlar ministiri lawrow rusiye «kommérsant» géziti bilen ötküzgen söhbitide, rusiye - türkiye munasiwetliri we taghliq qarabaghning weziyiti üstide toxtaldi.

1521513
lawrow rusiye - türkiye munasiwetliri we taghliq qarabaghning weziyiti üstide toxtaldi

 

türkiye awazi radiyosi xewiri: lawrow rusiye bilen türkiyening oxshimighan rayonliridiki krizislerni hel qilish üchün tirishiwatqanliqini tilgha élip, «moskwa bilen enqere dairiliri élastikiliq hem emeliyetchil pozitsiye tutalaydighan,  öz-ara tesir körsitishte istratégiyelik nishan bilen heriket qilalaydighan yéqin shériklerdur» dédi.

lawrow taghliq qarabagh mesilisining perqliq ikenlikini we bu rayondiki weziyetning zorluq bilen hel qilinishini qollimaydighanliqini tekitlidi.

lawrow urush toxtitish kélishimini kontrol qilidighan méxanizm ornitishning muhimliqini bildürüp, «uzun muddetlik urush toxtitishni derhal emelge ashurghili bolmisimu, urushning toxtitilishi, terepler otturisida diyalog ornitilishi we  baku bilen yéréwanning söhbet üstilide olturushi üchün biz rayondiki barliq tesir küchimizni ishlitishni we türk shériklirimiz bilen birlikte xizmet qilishni dawamlashturimiz» dédi.

taghliq qarabagh mesilisining xelqaralishishi we bu yerge ottura sherqtin qoralliq unsurlarning arilashturilishidin endishe qiliwatqanliqini bildürgen lawrow, buni erméniye, ezerbeyjan we türkiye bilen ötküzgen uchrishishlirida tilgha alghanliqini éytti.


خەتكۈچ: #taghliq qarabagh , #lawrow

مۇناسىۋەتلىك خەۋەرلەر