ezerbeyjan armiyesi erméniye küchlirige éghir talapet yetküzüshni dawamlashturmaqta
ezerbeyjan armiyesi urush toxtitish kélishimige qarimay aldinqi sep liniyesining oxshimighan yönilishliride ezerbeyjan eskerliri bilen olturaq rayonlirigha hujum qilghan erméniye küchlirige éghir talapet yetküzüshni dawamlashturmaqta.
türkiye awazi radiyosi xewiri: ezerbeyjan dölet mudapie ministirliqining bildürüshiche, toqunushlar asasliqi aldinqi sep liniyesining aghdere, xojawend we gubadli yönilishliride dawamlashqan.
erméniye armiyesining hujum teshebbuslirining aldi élinghan. tünügün kün boyi we bügün yérim kéchide, aldinqi sep liniyesining oxshimighan jaylirida, erméniye armiyesige ait ikki dane «SU-25» tipliq urush ayropilani, 3 dane «T-72» tipliq bironéwik, 2 dane «smerch» we bir dane «grand» bashqurulidighan bomba sistémisi, 10 dane türlük top, 2 dane «boran – chapqun» namliq shrapnél atidighan zembirek, bir dane « OSA» tipliq zénit top, bir dane « P-18» tipliq radar mashinisi we 4 dane aptomobil pachaqlap tashlanghan, köp sanda erméniye eskiri bir terep qilinghan.
bayanatta tekitlinishiche, aldinqi sep liniyesi ezerbeyjan armiyesining kontrolluqida iken.
