bakudiki simwolluq binalargha türkiye bayriqi chüshürüldi

türkiye awazi radiyosi xewiri: ezerbeyjan paytexti bakuning yéngi imaret simwolliridin haydar eliyéw merkizi bilen baku olimpik tenterbiye meydanining binasigha türkiye bayriqining sholisi chüshürüldi.

29-öktebir jumhuriyet bayrimi munasiwiti bilen türkiye bayriqi chüshürülgen baku olimpik tenterbiye meydani bilen haydar eliyéw merkizide türk muzikiliri yangridi.

haydar eliyéw merkizining binasigha, türkiye bayriqining sholisining chüshürülgenlikini türkiyening bakudiki bash elchisi erkan özoralmu kördi.

u muxbirlargha bu heqte bergen bayanatida, türkiye bilen ezerbeyjanning «ikki dölet, bir millet» bolush süpiti bilen, xushalliqinimu, teqdirinimu ortaqlashqan ikki dölet ikenlikini éytti.

bosniye-grétségowina paytexti sarayéwuda tarixiy wijéjnika kutupxanisimu türkiye bayriqining renglirige pürkeldi. sheherdiki eng muhim simwolliridin biri bolghan tarixiy binagha, 29-öktebir jumhuriyet bayrimi munasiwiti bilen türkiye bayriqining sholisi  chüshürüldi.