әзәрбәйҗан: иран тәрәпкә чүшкән ракетамийотларни әрменийә атти

әзәрбәйҗан иран терротерийәсигә чүшкән ракетамийотларниң әрменийә армийәси тәрипидин етилғанлиқини билдүрди.

1510755
әзәрбәйҗан: иран тәрәпкә чүшкән ракетамийотларни әрменийә атти

түркийә авази радийоси хәвири: әзәрбәйҗан ташқи ишлар министирлиқи тәрипидин бу һәқтә елан қилинған байанатта, әзәрбәйҗан армийәсиниң өз земинлирини азад қилиш үчүн уруш қиливатқанлиқи, чекингән әрменийә күчлириниң иғвагәрлик мәқситидә иранға ракетамийот атқанлиқи тәкитлинип мундақ дейилди: «һийлигәр дүшмәнниң бу һәрикити бизни ғәзәпләндүрмәктә, биз қериндаш иран хәлқиниң әндишисини ортақлишимиз.»

әзәрбәйҗанға дост вә қериндаш дөләт болған иранниң, әрменийәниң таҗавузчилиқ сийаситини әйибләватқанлиқи вә әзәрбәйҗанниң земин пүтүнлүкини қоллайдиғанлиқини билдүрүватқанлиқи әскәртилгән байанатта, мундақ дейилди: «бүгүн қериндаш дөләт иран хәлқиниң һесдашлиқидин хурсәнмиз, һәмдә иран һөкүмитиниң рәсмий елан қилған қоллишидин интайин миннәтдармиз.»

тағлиқ қарабағда давамлишиватқан тоқунушлар сәвәбидин, иранниң худафәри наһийәсиики икки йезиға 10 ракетамийот чүшкән, ракетамийотлар чүшкән бир өй вәйран болған, бир киши йариланғаниди.

иран, бундақ әһвалниң тәкрарланмаслиқи тоғрулуқ һәр икки тәрәпни агаһландурғаниди.



مۇناسىۋەتلىك خەۋەرلەر