бишкәктә җиддий һаләт елан қилинди
қирғизистан пирезиденти соронбай җәенбеков сайламлардин кейин зораванлиқ вәқәлиригә айлинип кәткән намайишлар сәвәбидин пайтәхт бишкәктә җиддий һаләт елан қилди.
түркийә авази радийоси хәвири: қирғизистан пирезиденти соронбай җәенбеков сайламлардин кейин зораванлиқ вәқәлиригә айлинип кәткән намайишлар сәвәбидин пайтәхт бишкәктә җиддий һаләт елан қилди.
қирғизистанда түрмидин чиқирилған сабиқ пирезидент алмазбек атамбайев һазирқи пирезидент җәенбековни истепаға чақирди.
сәйшәнбә күни (2020-йили 6-өктәбир) сайлам нәтиҗисигә қарши партлиған намайишлар җәрйанида тәрәпдарлири тәрипидин түрмидин чиқирилған сабиқ пирезидент атамбайев, сотсийал демократ партийәсиниң баш мәркизидә тәрәпдарлириға хитаб қилди.
у өзи һакимийәт бешида турған мәзгилдә өткүзгән хаталиқлири сәвәбидин хәлқтин әпу сориди вә һазирқи пирезидентни қаттиқ тәнқид қилди.
у җәенбековни истепа беришини, хәлқниң баравәрлики вә иттипақлиқиниң қоғдилишини тәләп қилидиғанлиқлирини қәйт қилди.
у тәрәпдарлири билән бирликтә бишкәктики алатав мәйданида йиғилиш үчүн йүрүди.
пирезидент соронбай җәенбеков намайишчиларниң йиғилишини тосуш үчүн шу йәр вақти 20:00 дин 08:00 әичә җиддий һаләт елан қилди.
қирғизистанда 2020-йили 4-өктәбир өткүзүлгән парламент сайлиминиң нәтиҗилирини етирап қилмиған өктичи партийәләрниң тәрәпдарлири, пирезидентлиқ мәһкимиси вә парламент бинасиға бесип киргән вә сабиқ пирезидент атамбайевни түрмидин чиқарған иди.
