: қирғизистан рәһбири: дийалог орнитишқа тәййармән

қирғизистан пирезиденти сооронбай җенбеков дөләт биналириниң ишғал қилиниши вә парламент сайламлириниң бикар қилинишиниң пәрдә арқисидики «сийасий күчләр билән дийалог орнитишқа тәййар» икәнликини билдүрди.

1505096
: қирғизистан рәһбири: дийалог орнитишқа тәййармән

түркийә авази радийоси хәвири: қирғизистандики дөләт биналириниң ишғал қилиниши билән башланған өзгиришләрни йеқиндин көзитиватқанлиқи билдүрүлгән җенбеков , түнүгүн иккинчи қетим байанат елан қилди.

қирғизистан пирезидент мәһкимиси ахбарат васитилири мәркизиниң билдүрүшичә, җенбеков  бу һәқтә елан қилған байанатида, һазирғичә тәрәпләрдин һечбириниң киризисини һәл қилиш чариси тепиш үчүн һечқандақ музакирә миханизими орнитиш тәклипи сунмиғанлиқини тәкитләп   мундақ дегән: «һөрмәтлик сийасий күчләрниң рәһбәрлири! пирезидент болуш сүпитим билән, мәвҗут сийасий киризистин қутулуш үчүн қолумдин келишичә тиришчанлиқ көрситиш һәм дийалог орнитишқа тәййармән. мән хәлқниң тәләплирини наһайити йахши чүшинимән. оттуриға чиққан киризисни һәл қилиш үчүн һәр җәһәттин тиришчанлиқ көрситиватимән.»

қирғизистанда 4 – өктәбир күни өткүзүлгән сайламларниң нәтиҗилирини етирап қилмиған 12 сийасий партийәниң тәрәпдарлири, наразилиқ намайишлири өткүзгәндин кейин, пирезидент мәһкимиси бинаси билән парламентни ишғал қилғаниди.

пирезидент мәһкимиси бинасини контрол астиға алған өктичи партийәниң вәкиллири, парламент башлиқи вә баш министирниң вәзиписидин истепа беришидин кейин, һакимийәт талишип өзара җедәл қилишқа башлиғаниди.



مۇناسىۋەتلىك خەۋەرلەر