eliyéw makron bilen körüshti

ezerbeyjan pirézidénti ilham eliyéw firansiye pirézidénti émmanuél makron bilen téléfonda körüshti.

1502097
eliyéw makron bilen körüshti

türkiye awazi radiyosi xewiri: ezerbeyjan pirézidént mehkimisining bildürüshiche, firansiye pirézidénti émmanuél makron ezerbeyjan pirézidénti ilham eliyéwgha téléfon qilip, ezerbeyjan – erméniye aldinqi sep liniyeside dawamlishiwatqan toqunushlardin endishe qiliwatqanliqini éytqan, hemde urush toxtitishning ishqa ashurulushi we muzakirilerning qaytidin  bashlinishi  toghruluq chaqiriqta bolghan.

ezerbeyjan pirézidénti ilham eliyéwmu, erméniye qoralliq küchlirining ezerbeyjanning olturaq rayonlirini shiddetlik topqa tutushi netijiside, 19 ezerbeyjan puqrasining hayatidin ayrilghanliqini, 60 tin artuq kishining yarilanghanliqini, yüzlerche öy – makanning weyran bolghanliqini bildürgen.

ezerbeyjan armiyesining muweppeqiyetlik qayturma hujumgha ötüp, ishghal astidiki zéminlarning bir qismini azad qilghanliqini eskertken eliyéw, ériwan hökümitining qachan muzakire basquchini ziyangha uchritidighan qedemlerni tashlisa, shu chaghda ezerbeyjanningmu derhal inkas qayturup, éghir zerbe bergenlikini tekitligen, hemde muzakire basquchining buzulushi we toqunushlarning qayta bashlinishining birdinbir jawabkarining ériwan hökümiti ikenlikini qeyt qilghan.



مۇناسىۋەتلىك خەۋەرلەر