özbékistan pirézidénti b d t da özbékche nutuq sözlidi

özbékistan pirézidénti shewket mirziyoyéw birleshken döletler teshkilati omumiy kéngishida özbékche nutuq sözlidi.

1496792
özbékistan pirézidénti b d t da özbékche nutuq sözlidi

türkiye awazi radiyosi xewiri: birleshken döletler teshkilatining 75 – nöwetlik omumiy kéngesh yighinigha sin arqiliq ishtirak qilghan we kéngeshke ruschining ornigha, özbékistan musteqil bolghandin buyan tunji qétim pirézidént süpitide  özbék tilida xitab qilghan mirziyoyéw, nutiqida, «wuxen wirusi» yuqumining, hem insaniyet dunyasining bundaq yer shari xaraktérlik tehditlerge qarita mudapiesiz ikenlikini, hemde sistémiliq diyalog, ishench we zich hemkarliqningmo zörürlükini  körsitip bergenlikini eskertish bilen bir waqitta, shunga, bu dairide tirishchanliqlarni bir gewdileshtürüsh, mesuliyetchanliq éngini kücheytish, xelqaraliq hemrahliqni mustehkemlesh, dunya sehiye teshkilatining salahiyiti we iqtidarini ashurush, hoquq dairilirini kéngeytishke éhtiyaj barliqini qeyt qildi.

mirziyoyéw, bu dairide, birleshken döletler teshkilatining himayiside, «wuxen wirusi»  basquchida herqaysi döletlerning öz ixtiyarliqi bilen bergen wediliride turush toghruluq qanun teyyarlinishi, hemde bu qanunning her bir döletnng bérish qanunining tüzülüshi kéreklikini we bu höjjetning herbir döletning puqraliri we xelqaraliq shériklirige qarita mesuliyetlirini eks ettürüshi lazimliqini tekitlidi.

buningdin üch yl burun özining  birleshken döletler teshkilati omumiy kéngishida özbékistanning keng kölemlik islahat élip bérish mesiliside iradisining qetiylikini bayan qilghanliqini éytqan mirziyoyéw, mundaq dep körsetti: «siyasiy, ijtimaiy we iqtisadiy özgirishler dairiside élip bérilghan keng kölemlik islahatlar netijiside, yépyéngi bir özbékistan shekillenmekte. derweqe, bügünki künde dölitimizde démokratik özgirishler esla keynige chékinish mumkin bolmaydighan derijide bérip yetti.»



مۇناسىۋەتلىك خەۋەرلەر