almazbék atambayéw 11 yil 2 ayliq qamaq jazasigha höküm qilindi

qirghizistanda jinayet teshkilatining rehbiri eziz batukayéwning qoyup bérilishide jawabkarliqi bolghan sabiq pirézidént almazbék atambayéw 11 yil 2 ayliq qamaq jazasigha höküm qilindi.

1441621
almazbék atambayéw 11 yil 2 ayliq qamaq jazasigha höküm qilindi

türkiye awazi radiyosi xewiri: pérwomay rayonluq sotning sodiyesi emilbék kaypowning riyasetchilikide échilghan sotqa türmidiki atambayéw élip kélinmidi, bashqa gumandarlar sotqa chiqirildi.

«chiriklik tori qurghanliqi» üchün qolgha élinghan atambayéw 11 yil 2 ayliq qamaq jazasigha höküm qilindi.

atambayéwning mal - mülükliri musadire qilinishi we barliq dölet mukapatliriningmu qayturup élinishi höküm qilindi.

qirghizistandiki türmilerde küchlük tesiri bilen tonulghan we 16 yilliq qamaq jazasigha höküm qilinip, 8 yilini türmide toldurup bolghan esli chéchiniyelik batukayiwning 2013 - yili aprélda qoyup bérilishi hemde chéchiniyege mexsus ayropilan bilen yolgha sélinishi, xelqning naraziliqini qozghighan idi.  

2011 – yilidin 2017 – yilighiche qirghizistan pirézidénti bolghan atambayéw 2019 - yili 8 - awghustta saqchilar teripidin qolgha élinghan idi.



مۇناسىۋەتلىك خەۋەرلەر