türk kéngishi köchmenler maslashturush guruppisi

türk kéngishige eza döletlerning «wuxen wirusi» mezgilide chet ellerdiki puqraliri duch kéliwatqan mesililerni hel qilish yolida tashlawatqan qedemliri.

1419387
türk kéngishi köchmenler maslashturush guruppisi

türkiye awazi radiyosi: 2020 – yili 7 – may küni türk kéngishige eza we közetküchi döletlerning köchmenler idariliri we munasiwetlik orunlirining mesullirining ishtirak qilishida  téléwiziye - téléfon yighini chaqirildi. yighingha, ezerbeyjan, qazaqistan, qirghizistan, wéngiriye, özbékistan we türkiye qatarliq döletlerning köchmenler idarilirining bashliqliri, türk kéngishining bash katipi qatnashti. yighinda, türk kéngishige eza döletlerning «wuxen wirusi» sewebidin öz döletlirige qaytalmighan puqralirigha waqitliq turush ijazetnamisi, wiza we köchmenlik bilen munasiwetlik bashqa mesililerni hel qilish yolida qollilinidighan chare - tedbirler heqqide muzakire élip bérildi.

yighindin kéyin terepler wiza we waqitliq turush ijazetnamisining belgilimilirige xilapliq qilghan puqralarning mesilisini qandaq bir terep qilish toghruluq birdeklik hasil qildi. shuning bilen bir waqitta, köchmenlik shertlirinimu waqitliq yéniklitishni qararlashturdi. bu sahediki hemkarliqning aqsap qalmasliqi we hemkarliqning yenimu yüsek sewiyege yetküzülüshi üchün türk kéngishi qarmiqida köchmenler maslashturush guruppisi qurush mesiliside pütüshti.

hemmige melumki, türk kéngishining  2020 – yili 10 – aprél küni chaqirilghan dölet bashliqliri pewquladde yighinida, bashqa döletlerde turuwatqan teshkilatqa eza döletlerning puqralirigha her jehettin qolayliq yaritip bérish qararlashturulghanidi.

bu qarargha asasen,  türk kéngishige eza döletler «wuxen wirusi» mezgilide öz döletlirige qaytishni xalaydighan puqralirini qayturup kélish mesiliside özara yardem qilish we qolayliq yaritip bérishni dawamlashturmaqta. hetta üchinchi döletlerdin puqralirini qayturup kélish mesiliside teshkilatqa eza döletler birlikte heiket qilmaqta. mesilen, qazaqistan jenubiy asiya elliridin puqralirini qayturup kélish jeryanida qirghizistan puqralirinimu birlikte élip keldi. oxshash shekilde, türkiyemu ezerbeyjan puqralirini üchinchi döletlerdin türkiyegiche élip keldi. bundaq insanperwerlik yardemler, kelgüside türk dunyasining xelqara sahede birlikte heriket qilishi jehettin nahayiti zor ehmiyetke ige.

türk kéngishining köchmenler idarilirining mesullirini bir yerge jem qilishi, teshkilatning diasporalargha qarita hazirghiche élip bériwatqan paaliyetlirining dawami hésablinidu, elwette. hemmige melumki, teshkilat ilgiri türk kéngishi türkiy tildashlar diaspora ortaq paaliyet istiratégiyesini qobul qilghanidi. aldinqi ayda yüz bergen maska we bashqa yirginchlik weqeler, türk dunyasi diasporalirining we türkiy jumhuriyetlerning xelqara sahede  ortaq heriket qilishining zörürlükini yene bir qétim ispatlap berdi.

türkiye rayonida köp sanda chet ellikni baghrigha bésiwatqan bir dölettur. türkiyede turuwatqan chet elliklerning köpinchisining «wuxen wirusi» mezgilide öz döletlirige qaytishning ornigha türkiyede qélishni tallishi, enqerening bu basquchta toghra qedemlerni tashlawatqanliqini, basquchni yaxshi bashquruwatqanliqini, hemde peqet öz puqralirinila emes, chet elliklernimu saghlamliq kapalitige ige qiliwatqanliqini körsitidu. türk dunyasining pawaruzi hésablinidighan türkiye, buningdin kéyinki basuchtimu qoshna döletler we köngül jughrapiyesining jezbidarliq merkizi  bolushni dwamlashturidu. türk kéngishi qarmiqida qurulghan köchmenler maslashturush guruppiisimu, türk dunyasining eqil – parasetlik zatlirining köchüshining aldini élishni öz ichige alghan öz döliti sirtida yashawatqan türk diasporalirining mesililirige yéqindin köngül bölidu.



مۇناسىۋەتلىك خەۋەرلەر