түрк кеңиши көчмәнләр маслаштуруш гурупписи

түрк кеңишигә әза дөләтләрниң «вухән вируси» мәзгилидә чәт әлләрдики пуқралири дуч келиватқан мәсилиләрни һәл қилиш йолида ташлаватқан қәдәмлири.

1419387
түрк кеңиши көчмәнләр маслаштуруш гурупписи

түркийә авази радийоси: 2020 – йили 7 – май күни түрк кеңишигә әза вә көзәткүчи дөләтләрниң көчмәнләр идарилири вә мунасивәтлик орунлириниң мәсуллириниң иштирак қилишида  телевизийә - телефон йиғини чақирилди. йиғинға, әзәрбәйҗан, қазақистан, қирғизистан, венгирийә, өзбекистан вә түркийә қатарлиқ дөләтләрниң көчмәнләр идарилириниң башлиқлири, түрк кеңишиниң баш катипи қатнашти. йиғинда, түрк кеңишигә әза дөләтләрниң «вухән вируси» сәвәбидин өз дөләтлиригә қайталмиған пуқралириға вақитлиқ туруш иҗазәтнамиси, виза вә көчмәнлик билән мунасивәтлик башқа мәсилиләрни һәл қилиш йолида қоллилинидиған чарә - тәдбирләр һәққидә музакирә елип берилди.

йиғиндин кейин тәрәпләр виза вә вақитлиқ туруш иҗазәтнамисиниң бәлгилимилиригә хилаплиқ қилған пуқраларниң мәсилисини қандақ бир тәрәп қилиш тоғрулуқ бирдәклик һасил қилди. шуниң билән бир вақитта, көчмәнлик шәртлириниму вақитлиқ йениклитишни қарарлаштурди. бу саһәдики һәмкарлиқниң ақсап қалмаслиқи вә һәмкарлиқниң йәниму йүсәк сәвийәгә йәткүзүлүши үчүн түрк кеңиши қармиқида көчмәнләр маслаштуруш гурупписи қуруш мәсилисидә пүтүшти.

һәммигә мәлумки, түрк кеңишиниң  2020 – йили 10 – апрел күни чақирилған дөләт башлиқлири пәвқуладдә йиғинида, башқа дөләтләрдә туруватқан тәшкилатқа әза дөләтләрниң пуқралириға һәр җәһәттин қолайлиқ йаритип бериш қарарлаштурулғаниди.

бу қарарға асасән,  түрк кеңишигә әза дөләтләр «вухән вируси» мәзгилидә өз дөләтлиригә қайтишни халайдиған пуқралирини қайтуруп келиш мәсилисидә өзара йардәм қилиш вә қолайлиқ йаритип беришни давамлаштурмақта. һәтта үчинчи дөләтләрдин пуқралирини қайтуруп келиш мәсилисидә тәшкилатқа әза дөләтләр бирликтә һәикәт қилмақта. мәсилән, қазақистан җәнубий асийа әллиридин пуқралирини қайтуруп келиш җәрйанида қирғизистан пуқралириниму бирликтә елип кәлди. охшаш шәкилдә, түркийәму әзәрбәйҗан пуқралирини үчинчи дөләтләрдин түркийәгичә елип кәлди. бундақ инсанпәрвәрлик йардәмләр, кәлгүсидә түрк дунйасиниң хәлқара саһәдә бирликтә һәрикәт қилиши җәһәттин наһайити зор әһмийәткә игә.

түрк кеңишиниң көчмәнләр идарилириниң мәсуллирини бир йәргә җәм қилиши, тәшкилатниң диаспораларға қарита һазирғичә елип бериватқан паалийәтлириниң давами һесаблиниду, әлвәттә. һәммигә мәлумки, тәшкилат илгири түрк кеңиши түркий тилдашлар диаспора ортақ паалийәт истиратегийәсини қобул қилғаниди. алдинқи айда йүз бәргән маска вә башқа йиргинчлик вәқәләр, түрк дунйаси диаспоралириниң вә түркий җумһурийәтләрниң хәлқара саһәдә  ортақ һәрикәт қилишиниң зөрүрлүкини йәнә бир қетим испатлап бәрди.

түркийә районида көп санда чәт әлликни бағриға бесиватқан бир дөләттур. түркийәдә туруватқан чәт әлликләрниң көпинчисиниң «вухән вируси» мәзгилидә өз дөләтлиригә қайтишниң орниға түркийәдә қелишни таллиши, әнқәрәниң бу басқучта тоғра қәдәмләрни ташлаватқанлиқини, басқучни йахши башқуруватқанлиқини, һәмдә пәқәт өз пуқралиринила әмәс, чәт әлликләрниму сағламлиқ капалитигә игә қиливатқанлиқини көрситиду. түрк дунйасиниң паварузи һесаблинидиған түркийә, буниңдин кейинки басучтиму қошна дөләтләр вә көңүл җуғрапийәсиниң җәзбидарлиқ мәркизи  болушни двамлаштуриду. түрк кеңиши қармиқида қурулған көчмәнләр маслаштуруш гуруппиисиму, түрк дунйасиниң әқил – парасәтлик затлириниң көчүшиниң алдини елишни өз ичигә алған өз дөлити сиртида йашаватқан түрк диаспоралириниң мәсилилиригә йеқиндин көңүл бөлиду.



مۇناسىۋەتلىك خەۋەرلەر