türkiyening ottura asiya döletliri bilen bolghan tömür yoli hemkarliqi

aprél éyining ikkinchi yérimida türkiyedin ottura asiya jumhuriyetlirige tömür yoli wsitisi arqiliq ikki yük poyizi ewetildi.

1417156
türkiyening ottura asiya döletliri bilen bolghan tömür yoli hemkarliqi

türkiye awazi radiyosi: bu poyizlarning türkistanning merkizige yétip bérishi nahayiti zor ehmiyetke ige idi.

2020 – yili 18 – aprél küni 82 kontéyérdin teshkil tapqan 940 métirliq yük poyizi özbékistangha qarap yolgha chiqti. nöwet bilen giruziye, ezerbeyjan, qazaqistan, türkmenistan we özbékistandin ötken bu poyiz, shu liniyeni boylap türk mallirini toshughan tunji poyiz bolush alahidilikige ige.

30 wagon 60 kontéynérdin teshkil tapqan we alyumin éléktr simi bésilghan poyiz  2020 – yili 30 – aprél küni bilejik bozüyüktin qirghizistanning osh shehirige qarap yolgha chiqti. bu poyizning alahidiliki bolsa, türkiyedin birla seperde eng yiraq musapige (5500 kilométirliq musapige) yétip barghan tunji éksport poyizi bolushidur.

bu özgirishlerge ilawe halda, shu küni yene türk kéngishige eza we közetküchi salahiyitidiki döletlerning qatnash ministirliri  téléwiziye - téléfon yighini chaqirdi. qatnash saheside körülüwatqan mesililerni hel qilish toghruluq muzakire élip bérilghan yighinda, türk kéngishi qatnash ishliri hemkarliq komitétining qurulushi qararlashturuldi.

2020 – yili 6 – may küni türk kéngishige eza we közetküchi döletlerning iqtisad miistirliri  téléwiziye - téléfon yighini chaqirdi. yighingha, türk kéngishige eza döletlerning tamozhna ishliri mesullirimu qatnashti. yighinda, terepler otturisida otturigha chiqqusi tosalghularni pachaqlap tashlashqa alaqidar bir heriket pilanining tüzülüshi mesiliside birdeklik hasil qilindi, shuning bilen bir waqitta, ottura karidorda köp yönilishlik tiransport ishlirining tereqqiy qildurulushi, baku – tiflis – qars tömür yolining paal ishlitilishi qatarliq mesililer heqqide muzakire élip bérildi.

yéqinqi aylardin buyan pütkül dunyagha tesir körsitiwatqan «wuxen wirusi», quruqluq hem hawa tiransportining aqsap qélishigha seweb boldi. shu wejidin, herqaysi döletler tömür yol tiransportigha ehmiyet bérishke bashlidi. türkiye sherq bilen gherb otturisidiki  tiranzit dölet bolush nishanigha yétish yolida uzun yillardin buyan ottura karidor yolini ishqa kirishtürmekte. derweqe, «wuxen wirusi » mezgilide bu yoldiki tömür yol tiransporti jalinip ketti.

zörür ul eslihe xizmetliri ishlengenliki üchün, türkiye «wuxen wirusi» tosalghusini insalarning wasitisisizz tömür yoli arqiliq pachaqlap tashlidi. «wuxen wirusi» gha qarshi küreshte kéreklik lazimetliklerni öz ichige alghan türkiye ishlepchiqarghan mehsulatlar ottura asiya döletlirige éksport qilinishqa bashlidi.

bu mehsulatlar hazar arqiliq rayongha yetküzülmekte. bu yolning téximu paal ishlitilishi üchün «hazar déngizi» ni qorshap turidighan tömür yoli tori shekillendürüsh nahayiti muhim xizmet bolidu, chünki hawa sharaitliri tüpeyli hazar déngizining üstide dawamlishiwatqan nöwetchi ayropilan seperliri bezide aqsap qélishi mumkin.  shunga, bashqa tömür yoli torining shekillendürülüshi bilen, hazarda yük chüshürüsh we yük qachilash awarichiliqi yoqilidu. buningdin bashqa yene, hazar we etrapidiki rynlarning muhitining bulghunishimu eng töwen sewiyege chüshidu. türkiye – türkistan tömür yolining janlinishi, aldimizdiki mezgilde bu yolning xitay hem jenubiy asiya ellirini yawropagha tutashturidighan eng qisqa liniye bolushini ishqa ashuridu.



مۇناسىۋەتلىك خەۋەرلەر