түркийәниң оттура асийа дөләтлири билән болған төмүр йоли һәмкарлиқи

апрел ейиниң иккинчи йеримида түркийәдин оттура асийа җумһурийәтлиригә төмүр йоли вситиси арқилиқ икки йүк пойизи әвәтилди.

1417156
түркийәниң оттура асийа дөләтлири билән болған төмүр йоли һәмкарлиқи

түркийә авази радийоси: бу пойизларниң түркистанниң мәркизигә йетип бериши наһайити зор әһмийәткә игә иди.

2020 – йили 18 – апрел күни 82 контейердин тәшкил тапқан 940 метирлиқ йүк пойизи өзбекистанға қарап йолға чиқти. нөвәт билән гирузийә, әзәрбәйҗан, қазақистан, түркмәнистан вә өзбекистандин өткән бу пойиз, шу линийәни бойлап түрк маллирини тошуған тунҗи пойиз болуш алаһидиликигә игә.

30 вагон 60 контейнердин тәшкил тапқан вә алйумин електр сими бесилған пойиз  2020 – йили 30 – апрел күни биләҗик бозүйүктин қирғизистанниң ош шәһиригә қарап йолға чиқти. бу пойизниң алаһидилики болса, түркийәдин бирла сәпәрдә әң йирақ мусапигә (5500 километирлиқ мусапигә) йетип барған тунҗи експорт пойизи болушидур.

бу өзгиришләргә илавә һалда, шу күни йәнә түрк кеңишигә әза вә көзәткүчи салаһийитидики дөләтләрниң қатнаш министирлири  телевизийә - телефон йиғини чақирди. қатнаш саһәсидә көрүлүватқан мәсилиләрни һәл қилиш тоғрулуқ музакирә елип берилған йиғинда, түрк кеңиши қатнаш ишлири һәмкарлиқ комитетиниң қурулуши қарарлаштурулди.

2020 – йили 6 – май күни түрк кеңишигә әза вә көзәткүчи дөләтләрниң иқтисад миистирлири  телевизийә - телефон йиғини чақирди. йиғинға, түрк кеңишигә әза дөләтләрниң таможна ишлири мәсуллириму қатнашти. йиғинда, тәрәпләр оттурисида оттуриға чиққуси тосалғуларни пачақлап ташлашқа алақидар бир һәрикәт пиланиниң түзүлүши мәсилисидә бирдәклик һасил қилинди, шуниң билән бир вақитта, оттура каридорда көп йөнилишлик тиранспорт ишлириниң тәрәққий қилдурулуши, баку – тифлис – қарс төмүр йолиниң паал ишлитилиши қатарлиқ мәсилиләр һәққидә музакирә елип берилди.

йеқинқи айлардин буйан пүткүл дунйаға тәсир көрситиватқан «вухән вируси», қуруқлуқ һәм һава тиранспортиниң ақсап қелишиға сәвәб болди. шу вәҗидин, һәрқайси дөләтләр төмүр йол тиранспортиға әһмийәт беришкә башлиди. түркийә шәрқ билән ғәрб оттурисидики  тиранзит дөләт болуш нишаниға йетиш йолида узун йиллардин буйан оттура каридор йолини ишқа кириштүрмәктә. дәрвәқә, «вухән вируси » мәзгилидә бу йолдики төмүр йол тиранспорти җалинип кәтти.

зөрүр ул әслиһә хизмәтлири ишләнгәнлики үчүн, түркийә «вухән вируси» тосалғусини инсаларниң васитисисизз төмүр йоли арқилиқ пачақлап ташлиди. «вухән вируси» ға қарши күрәштә керәклик лазимәтликләрни өз ичигә алған түркийә ишләпчиқарған мәһсулатлар оттура асийа дөләтлиригә експорт қилинишқа башлиди.

бу мәһсулатлар һазар арқилиқ районға йәткүзүлмәктә. бу йолниң техиму паал ишлитилиши үчүн «һазар деңизи» ни қоршап туридиған төмүр йоли тори шәкилләндүрүш наһайити муһим хизмәт болиду, чүнки һава шараитлири түпәйли һазар деңизиниң үстидә давамлишиватқан нөвәтчи айропилан сәпәрлири бәзидә ақсап қелиши мумкин.  шуңа, башқа төмүр йоли ториниң шәкилләндүрүлүши билән, һазарда йүк чүшүрүш вә йүк қачилаш аваричилиқи йоқилиду. буниңдин башқа йәнә, һазар вә әтрапидики рйнларниң муһитиниң булғунишиму әң төвән сәвийәгә чүшиду. түркийә – түркистан төмүр йолиниң җанлиниши, алдимиздики мәзгилдә бу йолниң хитай һәм җәнубий асийа әллирини йавропаға туташтуридиған әң қисқа линийә болушини ишқа ашуриду.



مۇناسىۋەتلىك خەۋەرلەر