ئامېرىكادا بىر تۈرك دوختۇر ۋىرۇس بىلەن يۇقۇملىنىپ ۋاپات بولدى

تۈركىيە ئاۋازى رادىيوسى خەۋىرى: نىيۇ جېرسىي ئىشتاتىنىڭ ماۋنتىن شەھىرىدە ئولتۇرۇشلۇق 69 ياشلىق تۈركىيە پۇقراسى يۈرەك كېسەللىكلىرى دوختۇرى ۋە ئىچكى كېسەللىكلەر مۇتەخەسسىسى زائىمنىڭ «ۋۇخەن ۋىرۇسى» سەۋەبىدىن بىر مەزگىل داۋالىنىۋاتقان دوختۇرخانىدا قازا قىلغانلىقى بىلدۈرۈلدى. ئۇ نىيۇ يوركتا دەپنە قىلىندى.

پايتەخت ئەنقەرەدە 1951 – يىلى تۇغۇلغان، تۈركىيە،  كانادا، شىۋېتسارىيەدە ۋە ئامېرىكا مېدىتسىنا كەسپىدە ئوقۇغان زائىمنىڭ خاترىىسى ئۈچۈن، تۈركىيە – ئامېرىكا مېدىتسىنا جەمئىيىتى تەرىپىدىن كۆچەت تىكىلىدىغانلىقى ئۇقتۇرۇلدى.

دىپلوماتىك مەنبەلەرنىڭ بىلدۈرۈشىچە، ئامېرىكا مىقياسىدا «ۋۇخەن ۋىرۇسى» سەۋەبىدىن ھازىرغىچە، نىيۇ يورك / نىيۇ جېرسېي رايونىدا 19، چىكاگودا 3 ۋە فلورىدادا بىر بولۇپ، جەمئىي 23 تۈركىيە پۇقراسى ھاياتىدىن ئايرىلغان.