ezerbeyjan: yuqumgha qérindash türkiyening yardimi sayisida diyagnoz qoyduq

ezerbeyjan sehiye ministiri oqtay shireliyew, wuxen wirusi (yéngi tiptiki tajsiman wirusluq öpke yallughi yuqumi – kowid – 19) ning tunji türkümdiki diyagnozlirini türkiyening sayisida qoyghanliqlirini bildürdi.

1384741
ezerbeyjan: yuqumgha qérindash türkiyening yardimi sayisida diyagnoz qoyduq

türkiye awazi radiyosi xewiri: oqtay shireliyew ezerbeyjan dölet téléwiziyeside söz qilip, yolgha qoyulghan aldini élish tedbirliri sayisida dölet miqyasida kowid – 19 yuqumining köpiyip kétishining aldi élinghanliqini eskertti.

kowid – 19 otturigha chiqishqa bashlighan deslepki künlerde köpligen ellerde diyagnoz qoyush üskünisi bolmighanliqini xatirilitip ötken shireliyew, «qérindash türkiyening wasitisi bilen sinaq üskiniliri bakugha keltürüldi. tunji türkümdiki bimarlargha shu üskiniler sayisida diyagnoz qoyuldi» dédi.

ezerbeyjanda kowid – 19 tunji bolup 28 – féwralda irandin kelgen bir rusiyelikte bayqalghanidi.

hazirghiche 87 yuqumlanghuchi bayqalghan ezerbeyjanda, bir kishi qaza qildi, 10 kishining salametliki eslige keldi. 3 nepiri 18 yashtin töwen bolup 76 bimarni dawalash xizmetliri dawam qilmaqta.


خەتكۈچ: #wirus , #yuqum , #türkiye , #ezerbeyjan

مۇناسىۋەتلىك خەۋەرلەر