әзәрбәйҗан: йуқумға қериндаш түркийәниң йардими сайисида дийагноз қойдуқ

әзәрбәйҗан сәһийә министири оқтай ширәлийәв, вухән вируси (йеңи типтики таҗсиман вируслуқ өпкә йаллуғи йуқуми – ковид – 19) ниң тунҗи түркүмдики дийагнозлирини түркийәниң сайисида қойғанлиқлирини билдүрди.

1384741
әзәрбәйҗан: йуқумға қериндаш түркийәниң йардими сайисида дийагноз қойдуқ

түркийә авази радийоси хәвири: оқтай ширәлийәв әзәрбәйҗан дөләт телевизийәсидә сөз қилип, йолға қойулған алдини елиш тәдбирлири сайисида дөләт миқйасида ковид – 19 йуқуминиң көпийип кетишиниң алди елинғанлиқини әскәртти.

ковид – 19 оттуриға чиқишқа башлиған дәсләпки күнләрдә көплигән әлләрдә дийагноз қойуш үскүниси болмиғанлиқини хатирилитип өткән ширәлийәв, «қериндаш түркийәниң васитиси билән синақ үскинилири бакуға кәлтүрүлди. тунҗи түркүмдики бимарларға шу үскиниләр сайисида дийагноз қойулди» деди.

әзәрбәйҗанда ковид – 19 тунҗи болуп 28 – февралда ирандин кәлгән бир русийәликтә байқалғаниди.

һазирғичә 87 йуқумланғучи байқалған әзәрбәйҗанда, бир киши қаза қилди, 10 кишиниң саламәтлики әслигә кәлди. 3 нәпири 18 йаштин төвән болуп 76 бимарни давалаш хизмәтлири давам қилмақта.



مۇناسىۋەتلىك خەۋەرلەر