türkler girétsiye pirézidéntini eyiblidi

girétsiye pirézidénti prokopis pawlopulosning gherbiy trakya ziyariti jeryanida musulman türk az sanliqlarni közde tutqan halda ishletken «musulman girék az sanliqlar» ibarisi, azsanliq idare – organlarning naraziliqini qozghidi.

1361429
türkler girétsiye pirézidéntini eyiblidi

türkiye awazi radiyosi xewiri: gümüljine we iskechediki az sanliq jemiyetler yazma bayanatlarni élan qilip, girétsiye dölitining türk az sanliqlarning milliy kimlikini inkar qilish siyasitini yürgüzüwatqanliqigha, buning girétsiyede démokratik takamulluqning yoqluqini namayan qilip bergenlikige isharet qilip, «bularning gherbiy trakya türk xelqi bilen munasiwetlik tarixiy heqiqetlerni özgertiwételmeydighanliqi» ni tekitlidi.

14 – martta wezipe ötesh mudditi axirlishidighan pirézidént pawlopulos, shenbe künidiki gherbiy trakya ziyariti jeryanida söz qilip, gherbiy trakya türk az sanliqining peqet bir diniy azsanliq ikenlikini, istanbul ortodoks rim azsanliqining bolsa, milliy azsanliq ikenlikini ilgiri sürgenidi.

u sözide, istanbuldiki rim azsanliqini «girék azsanliq» dep atap, girétsiyediki türk azsanliqlarni «girék musulman azsanliq» dep atighanidi.

yawropa kishilik hoquq mehkimisining girétsiyege qarshi chiqarghan hökümlirining bolushigha qarimay, girétsiye dairiliri, isimlirida «türk» ibarisi bolghan jemiyetlerning paaliyetlirige we yéngilirining qurulushigha ruxset qilmaydu.



مۇناسىۋەتلىك خەۋەرلەر