түркләр гиретсийә пирезидентини әйиблиди

гиретсийә пирезиденти прокопис павлопулосниң ғәрбий тракйа зийарити җәрйанида мусулман түрк аз санлиқларни көздә тутқан һалда ишләткән «мусулман гирек аз санлиқлар» ибариси, азсанлиқ идарә – органларниң наразилиқини қозғиди.

1361429
түркләр гиретсийә пирезидентини әйиблиди

түркийә авази радийоси хәвири: гүмүлҗинә вә искәчәдики аз санлиқ җәмийәтләр йазма байанатларни елан қилип, гиретсийә дөлитиниң түрк аз санлиқларниң миллий кимликини инкар қилиш сийаситини йүргүзүватқанлиқиға, буниң гиретсийәдә демократик такамуллуқниң йоқлуқини намайан қилип бәргәнликигә ишарәт қилип, «буларниң ғәрбий тракйа түрк хәлқи билән мунасивәтлик тарихий һәқиқәтләрни өзгәртиветәлмәйдиғанлиқи» ни тәкитлиди.

14 – мартта вәзипә өтәш муддити ахирлишидиған пирезидент павлопулос, шәнбә күнидики ғәрбий тракйа зийарити җәрйанида сөз қилип, ғәрбий тракйа түрк аз санлиқиниң пәқәт бир диний азсанлиқ икәнликини, истанбул ортодокс рим азсанлиқиниң болса, миллий азсанлиқ икәнликини илгири сүргәниди.

у сөзидә, истанбулдики рим азсанлиқини «гирек азсанлиқ» дәп атап, гиретсийәдики түрк азсанлиқларни «гирек мусулман азсанлиқ» дәп атиғаниди.

йавропа кишилик һоқуқ мәһкимисиниң гиретсийәгә қарши чиқарған һөкүмлириниң болушиға қаримай, гиретсийә даирилири, исимлирида «түрк» ибариси болған җәмийәтләрниң паалийәтлиригә вә йеңилириниң қурулушиға рухсәт қилмайду.



مۇناسىۋەتلىك خەۋەرلەر