әзәрбәйҗан билән өткүзүлгән очуқ муназиридә әрменийә баш министири аҗайип осал болди

тарихта тунҗи қетим әзәрбәйҗан вә әрменийә рәһбәрлири амминиң алдида учуқ муназириләшти.

1360190
әзәрбәйҗан билән өткүзүлгән очуқ муназиридә әрменийә баш министири аҗайип осал болди

түркийә авази радийоси хәвири:әзәрбәйҗан пирезиденти илһам әлийев билән әрменийә баш министири никол пашинйан 56нөвәтлик мийунхин хәвпсизлик конферанси даирисидики учуқ йиғинда тағлиқ қарабағ мәсилисини муназириләшти. бу йиғин арқилиқ тарихта тунҗи қетим әзәрбәйҗан вә әрменийә рәһбәрлири амминиң алдида учуқ муназириләшкән болди.

әзәрбәйҗан пирезиденти илһам әлийев тағлиқ қарабағниң әзәрбәйҗанниң айрилмас бир парчиси икәнликини вә әзәрбәйҗанниң земин пүтүнликиниң хәлқара җамаәтчилик тәрипидинму етирап қилинғанлиқини әскәртти. әмма бүгүнки күндә әзәрбәйҗан земининиң %20 ниң әрменийә ишғалийити астида икәнликини вә 1 милйондин көпрәк әзәрбәйҗан пуқрасиниң йүрт  маканлирини ташлап чиқип кетишкә мәҗбур қилинғанлиқини шундақла әзәрбәйҗанлиқларға қарши ирқий тазилаш һәрикити елип берилғанлиқини тәкитлиди.  

илһам әлийев хоҗаилидә әрменийәликләрниң 613 пуқрани қәтлиам қилғанлиқини әслитип, «хәлқара қанун нуқтисидин қарайдиған болсақ, қарабағ әзәрбәйҗанниң земинидур. бирләшкән дөләтләр тәшкилати әрменийәниң ишғалийитигә хатимә берилиши лазимлиқи һәққидә 4 қарар мақуллиди. бу қарарлар иҗра қилинмиди. һәл қилиш чарисини әзәрбәйҗанниң земин пүтүнлики асасидила қолға кәтүргили болиду» деди.

әрменийә баш министири никол пашинйан болса, хоҗаили қәлтиамини инкар қилди. мәсилиниң тинчлиқ йоли билән һәл қилиниши лазимлиқиға ишинидиғанлиқини тилға елип, тағлиқ қарбағда әрменийә армийәси йоқлуқини, бәлки қарабағ әрменийә хәлқиниң қораллиқ күчлири барлиқини илгири сүрди. лекин арқидинла өз оғлиниң қарабағ алдинқи фиронтида һәрбий вәзипә өтигәнликини ейтти.  (йәни өзиниң сөзини өзи йалғанға чақарди)

 

 



مۇناسىۋەتلىك خەۋەرلەر