түркистандики хоҗа әһмәт йәсәвиниң мәқбәрисини бир йерим милйон киши зийарәт қилди
қазақистанниң түркистан өлкисидики хоҗа әһмәт йәсәвиниң мәқбәрисини алдинқи йили бир йерим милйон сайаһәтчи зийарәт қилди.
түркийә авази радийоси: түркистан өлкисиниң муавин рәиси мәйирҗан мирзалийев ахбарат елан қилиш йиғинида, районниң иҗтимаий, иқтисадий вә сайаһәт саһәсидики тәрәққийатлири һәққидә мәлумат бәрди.
түркистан өлкисидә 168 меһманхана, 51 тәтил мәркизи вә 60 дәм елиш мәркизиниң паалийәт қиливатқанлиқини билдүргән мирзалийев 57 сайаһәт линийәси бәлгиләп чиқилғанлиқини ейтти.
мирзалийев түркистанниң меһманханилирида хәлқара өлчәмләргә уйғун ремонт хизмәтлириниң әмәлгә ашурулғанлиқини тәкитләп: «әнәниви қол -һүнәр сәнәт мәркизи, хәлқара айродурум, тийатирхана, хоҗа әһмәт йәсәви музейи вә башқа муәссисәләр бина қилинмақта» деди.
у түркистанға һәр йили сайаһәтчиләрниң келиш нисбитиниң өсүватқанлиқини тилға елип: «хоҗа әһмәт йәсәвиниң мәқбәрисини алдинқи йилидила 1 йерим милйон сайаһәтчи зийарәт қилди. бу санни 2025 – йилида 5 милйонға чиқириш нишан қилинмақта» деди.
мирзалийев сайаһәтчиләрниң бу қизиқишиниң әслидә, түркистанниң йуқири дәриҗилик җәлп қилиш күчиниң намайәндиси икәнликини тәкитлиди.
