әлийев: әзәрбәйҗан «түрк еқими» лайиһәсини баштин тартип қоллиған

әзәрбәйҗан пирезиденти илһам әлийев әзәрбәйҗанниң «түрк еқими» лайиһәсини баштин тартип қоллап кәлгәнликини ейтти.

әлийев: әзәрбәйҗан «түрк еқими» лайиһәсини баштин тартип қоллиған

түркийә авази радийоси хәвири: әзәрбәйҗан пирезиденти илһам әлийев русийәниң «Rossiya 24» қанилиниң зийаритини қобул қилғанда, районлуқ енергийә лайиһәлири үстидә тохталди.

у русийә билән әзәрбәйҗан тәрипидин иҗра қилиниватқан енергийә лайиһәлириниң бир-биригә рәқип әмәсликини, җәнубий газ каридори лайиһәсиниң ахирлишиши билән йилиға 10 милйард куб метир тәбиий газниң әзәрбәйҗандин йавропаға йәткүзүлидиғанлиқини қәйт қилди.

у: «бу русийәниң йилиға 170-150 милйард куб метирлиқ тәбиий газ тәминлишигә селиштурғанда наһайити кичик сан. шуңа, җәнубий газ каридори рәқип лайиһә әмәс» деди.

у «түрк еқими» лайиһәси тоғрисидиму тохталди. у мундақ деди:

«түркийә билән русийә үчүн ейтқанда, түрк еқими лайиһәсиниң қанчилик муһим икәнликини билимиз. һәр икки дөләт бизниң йеқин шериклиримиз. баку, түрк еқими лайиһәсини баштин тартип қоллап кәлди. буниңдин башқа йәнә, әзәрбәйҗан билән русийә түркийәдә қурулған тәбиий газ ул-әслиһәлиридин ортақ пайдилиниши мумкин.»

русийә газини түркийә арқилиқ йавропаға йәткүзидиған «түрк еқими» лайиһәсиниң рәсмий ечилиш мурасимини 2020-йили 8-йанвар истанбулда өткүзүшниң пилан қилинғанлиқи билдүрүлмәктә.  



مۇناسىۋەتلىك خەۋەرلەر