qazaqistanda «matem» élan qilindi

qazaqistanda 12 kishining jénigha zamin  bolghan ayropilan qazasidin kéyin «milliy matem» élan qilindi.

qazaqistanda «matem» élan qilindi

türkiye awazi radiyosi xewiri: qazaqistan jiddiy ehwallargha taqabil turush komitétining bildürüshiche, almuta – nursultan ariqilida qatnawatqan  Bek Air  hawa yolliri shirkitige ait « Fokker 100 » tipliq yoluchilar ayropilani qozghilish jeryanida turalghular jaylashqan rayongha chüshüp ketken.

qazaqistan sehiye ministirliqining bildürüshiche, qazada 12 kishi jénidin ayrilghan, 53 kishi yarilanghan.

ilgiri, sehiye etretliri qazada ölüp ketkenler sanining 15 ke yetkenlikini, 66 kishining yarilanghanliqini uqturghanidi.

alaqidar tarmaqlarning bildürüshiche, ayropilanda 93 yoluchi bilen 5 ayropilan xadimi bar bolup, ichki ishlar ministirliqi weqeni tekshürüshke bashlighan.

qazaqistan muawin bash ministiri roman sikilyarning éyitishche, «ayropilan uchquchining xataliqi yaki téxnikiliq kashila sewebidin chüshüp ketken» dep, qaralmaqta iken.

qazaqistan sanaet we ul eslihe qurulushlirini tereqqiy qildurush ministirliqining bildürüshiche, qazaning sewebi tekshürüp bir terep qilinghangha qeder,  Bek Air  hawa yolliri shirkitining paaliyetliri toxtitilghan.

puqrawi awiyatsiye komitéti teripidin élan qilinghan bayanattimu, azaning sewebi tekshürüp bir terep qilinghangha qeder, « Fokker 100 » tipliq yoluchilar ayropilanlirining uchushlirining toxtitilghanliqi eskertilgen.

yene bir tereptin, qazaqistan jumhuriyiti pirézidénti qasim jomart tokayéw 28 – dékabir künini «milliy matem küni» élan qildi.

qazaqistan pirézidént mehkimisi axbarat wasitiliri ishliri bayanatchisi bérik uali, ammiwi ortaqlishish tor béti Facebook sehipiside bu heqte élan qilghan bayanatida mundaq dédi: «pirézidént tokayéw 28 – dékabir künini almuta etrapida yüz bergen ölümlük ayropilan qazasi sewebidin <milliy matem küni> élan qildi.»



مۇناسىۋەتلىك خەۋەرلەر