қазақистанда «матәм» елан қилинди

қазақистанда 12 кишиниң җениға замин  болған айропилан қазасидин кейин «миллий матәм» елан қилинди.

қазақистанда «матәм» елан қилинди

түркийә авази радийоси хәвири: қазақистан җиддий әһвалларға тақабил туруш комитетиниң билдүрүшичә, алмута – нурсултан ариқилида қатнаватқан  Bek Air  һава йоллири ширкитигә аит « Fokker 100 » типлиқ йолучилар айропилани қозғилиш җәрйанида туралғулар җайлашқан районға чүшүп кәткән.

қазақистан сәһийә министирлиқиниң билдүрүшичә, қазада 12 киши җенидин айрилған, 53 киши йариланған.

илгири, сәһийә әтрәтлири қазада өлүп кәткәнләр саниниң 15 кә йәткәнликини, 66 кишиниң йариланғанлиқини уқтурғаниди.

алақидар тармақларниң билдүрүшичә, айропиланда 93 йолучи билән 5 айропилан хадими бар болуп, ички ишлар министирлиқи вәқәни тәкшүрүшкә башлиған.

қазақистан муавин баш министири роман сикилйарниң ейитишчә, «айропилан учқучиниң хаталиқи йаки техникилиқ кашила сәвәбидин чүшүп кәткән» дәп, қаралмақта икән.

қазақистан санаәт вә ул әслиһә қурулушлирини тәрәққий қилдуруш министирлиқиниң билдүрүшичә, қазаниң сәвәби тәкшүрүп бир тәрәп қилинғанға қәдәр,  Bek Air  һава йоллири ширкитиниң паалийәтлири тохтитилған.

пуқрави авийатсийә комитети тәрипидин елан қилинған байанаттиму, азаниң сәвәби тәкшүрүп бир тәрәп қилинғанға қәдәр, « Fokker 100 » типлиқ йолучилар айропиланлириниң учушлириниң тохтитилғанлиқи әскәртилгән.

йәнә бир тәрәптин, қазақистан җумһурийити пирезиденти қасим җомарт токайев 28 – декабир күнини «миллий матәм күни» елан қилди.

қазақистан пирезидент мәһкимиси ахбарат васитилири ишлири байанатчиси берик уали, аммиви ортақлишиш тор бети Facebook сәһиписидә бу һәқтә елан қилған байанатида мундақ деди: «пирезидент токайев 28 – декабир күнини алмута әтрапида йүз бәргән өлүмлүк айропилан қазаси сәвәбидин <миллий матәм күни> елан қилди.»



مۇناسىۋەتلىك خەۋەرلەر