ishghaliyet astidiki taghliq qarabagh mesilisi silowakiyede muzakire qilindi

ezerbeyjan tashqi ishlar ministiri elmar memedyarow we erméniye tashqi ishlar ministiri zohrab kinatsakanyan ishghaliyet astidiki taghliq qarabagh mesilisige hel qilish charisi tépish dairiside, silowakiyening paytexti biratislawada bir yerge jem boldi.

ishghaliyet astidiki taghliq qarabagh mesilisi silowakiyede muzakire qilindi

türkiye awazi radiyosi xewiri: muzakirige yawropa bixeterlik we hemkarliq teshkilati minsik guruppisi teng derijilik bashliqiliridin rusyelik igur popow, firansiyelik sitipan sirkonti, amérikaliq andréw shichofér we yawropa bixeterlik we hemkarliq teshkilati minsik guruppisi alahide wekili andirzizh kaspirziyikmu qatnashti.

ezerbeyjan tashqi ishlar ministirliqidin élan qilinghan yazma bayanatta muzakirining üch yérim saettin artuq dawamlashqanliqi we hel qilish charisi nuqtisidin keng dairilik muzakire ötküzülgenliki bildürüldi.

bayanatta her qaysi tereplerning muzakire basquchini dawamlashturush üchün 2020yilining bashlirida qayta uchrishishqa kélishkenliki qeyt qilindi.

taghliq qarabagh meslisi sowit ittipaqi weyran bolush basquchida, ermeniylerning bu rayonda igilik hoquqi barliqini ilgiri sürishi bilen bashlanghan bolup, ermeniyler 1991yili xankendiyini we 1992yili xojali we shushani ishghal qiliwalghan idi. kéyin yene lachin, xojawend, kelbejer we aghderenimu ishghal qiliwalghan erméniyler 1993yili aghdamgha bésip kérip, aghdam, jebrayil, fuzuli, gubadli we zengilan wilayetlirini ishghal qilghan idi.

ezerbeyjan zéminining %20 i ishghal qilinish bilen birge 1 milyondin köprek kishi öz yürtliridin ayrilishqa mejbur bolghan idi. 

 



مۇناسىۋەتلىك خەۋەرلەر