ишғалийәт астидики тағлиқ қарабағ мәсилиси силовакийәдә музакирә қилинди

әзәрбәйҗан ташқи ишлар министири әлмар мәмәдйаров вә әрменийә ташқи ишлар министири зоһраб кинатсаканйан ишғалийәт астидики тағлиқ қарабағ мәсилисигә һәл қилиш чариси тепиш даирисидә, силовакийәниң пайтәхти биратиславада бир йәргә җәм болди.

ишғалийәт астидики тағлиқ қарабағ мәсилиси силовакийәдә музакирә қилинди

түркийә авази радийоси хәвири: музакиригә йавропа бихәтәрлик вә һәмкарлиқ тәшкилати минсик гурупписи тәң дәриҗилик башлиқилиридин русйәлик игур попов, фирансийәлик ситипан сирконти, америкалиқ андрев шичофер вә йавропа бихәтәрлик вә һәмкарлиқ тәшкилати минсик гурупписи алаһидә вәкили андирзиж каспирзийикму қатнашти.

әзәрбәйҗан ташқи ишлар министирлиқидин елан қилинған йазма байанатта музакириниң үч йерим саәттин артуқ давамлашқанлиқи вә һәл қилиш чариси нуқтисидин кәң даирилик музакирә өткүзүлгәнлики билдүрүлди.

байанатта һәр қайси тәрәпләрниң музакирә басқучини давамлаштуруш үчүн 2020йилиниң башлирида қайта учришишқа келишкәнлики қәйт қилинди.

тағлиқ қарабағ мәслиси совит иттипақи вәйран болуш басқучида, әрмәнийләрниң бу районда игилик һоқуқи барлиқини илгири сүриши билән башланған болуп, әрмәнийләр 1991йили ханкәндийини вә 1992йили хоҗали вә шушани ишғал қиливалған иди. кейин йәнә лачин, хоҗавәнд, кәлбәҗәр вә ағдәрәниму ишғал қиливалған әрменийләр 1993йили ағдамға бесип керип, ағдам, җәбрайил, фузули, губадли вә зәнгилан вилайәтлирини ишғал қилған иди.

әзәрбәйҗан земининиң %20 и ишғал қилиниш билән биргә 1 милйондин көпрәк киши өз йүртлиридин айрилишқа мәҗбур болған иди. 

 



مۇناسىۋەتلىك خەۋەرلەر