qazaqistan parlaménti türkiye bilen imzalanghan herbiy hemkarliq kélishimini maqullidi

qazaqistan parlaméntining yuqiri qaniti, türkiye bilen imzalanghan herbiy hemkarliq kélishimini maqullidi.

qazaqistan parlaménti türkiye bilen imzalanghan herbiy hemkarliq kélishimini maqullidi

türkiye awazi radiyosi xewiri: qazaqistan parlaméntining yuqiri qanitida dölet mudapie ministirliqi xadimlirining ishtirak qilishi bilen ötküzülgen yighinda, qazaqistan bilen türkiye arisidiki hemkarliq kélishimi muzakire qilindi. kélishim awazgha qoyulghandin kéyin, testiqlinishi üchün pirézidéntliq mehkimisige yollandi.

qazaqistan muawin mudapie ministiri timur dandibayéw yighinda söz qilip, kélishimning ötken yili séntebir éyida enqerede imzalanghanliqini, meqsetning, 2 dölet arisida adil shundaqla özara payda yetküzüsh pirinsiplirigha tayinidighan uzun muddetlik herbiy hemkarliqni téximu tereqqiy qildurushtin ibaret ikenlikini éytti.

mezkur kélishim, qazaqistan bilen türkiye arisida herbiy hemkarliq, herbiy teyyarliq we meshiq, birleshme manéwirlarni ötküzüsh, mudapie sanaiti, tinchliqperwer herbiy heriketlerni élip bérish, herbiy, ilmiy we téxnikiliq tetqiqatlarni élip bérish we bashqa mesililerde hemkarlishishni mezmun qilidu.



مۇناسىۋەتلىك خەۋەرلەر