қазақистан парламенти түркийә билән имзаланған һәрбий һәмкарлиқ келишимини мақуллиди

қазақистан парламентиниң йуқири қанити, түркийә билән имзаланған һәрбий һәмкарлиқ келишимини мақуллиди.

қазақистан парламенти түркийә билән имзаланған һәрбий һәмкарлиқ келишимини мақуллиди

түркийә авази радийоси хәвири: қазақистан парламентиниң йуқири қанитида дөләт мудапиә министирлиқи хадимлириниң иштирак қилиши билән өткүзүлгән йиғинда, қазақистан билән түркийә арисидики һәмкарлиқ келишими музакирә қилинди. келишим авазға қойулғандин кейин, тәстиқлиниши үчүн пирезидентлиқ мәһкимисигә йолланди.

қазақистан муавин мудапиә министири тимур дандибайев йиғинда сөз қилип, келишимниң өткән йили сентәбир ейида әнқәрәдә имзаланғанлиқини, мәқсәтниң, 2 дөләт арисида адил шундақла өзара пайда йәткүзүш пиринсиплириға тайинидиған узун муддәтлик һәрбий һәмкарлиқни техиму тәрәққий қилдуруштин ибарәт икәнликини ейтти.

мәзкур келишим, қазақистан билән түркийә арисида һәрбий һәмкарлиқ, һәрбий тәййарлиқ вә мәшиқ, бирләшмә маневирларни өткүзүш, мудапиә санаити, тинчлиқпәрвәр һәрбий һәрикәтләрни елип бериш, һәрбий, илмий вә техникилиқ тәтқиқатларни елип бериш вә башқа мәсилиләрдә һәмкарлишишни мәзмун қилиду.



مۇناسىۋەتلىك خەۋەرلەر