ilham eliyiéw: epsuski ishghaliyet astidiki taghliq qarabagh mesliside netije yoq

ezerbeyjan pirézidénti ilham eliyiéw ishghaliyet astidiki taghliq qarabagh mesliside epsuski diqqetni tartqudek birer netijining bolmighanliqini éytti.

ilham eliyiéw: epsuski ishghaliyet astidiki taghliq qarabagh mesliside netije yoq

türkiye awazi radiyosi xewiri: ilham eliyiéw ezerbeyjanda ziyarette boluwatqan rusiye tashqi ishlar ministiri sérgéy lawrowni qobul qildi.

ezerbeyjan pirézidéntliqidin élan qilinghan bayanatta, ilham eliyiéwning «2019yili rusiye ezerbeyjan soda munasiwetliri nuqtisidin gholibilik bir yil boldi we yil axirigha qeder soda omumiy sommisidiki örlesh %25 ge yétishi mumkin» dégenliki bildürüldi. 

ilham eliyiéw qatnash saheside yaxshi netijilerning qolgha keltürülgenlikini, pat yéqinda samur deryasigha yasalghan köwrükning échilidighanliqini eskertip, rusiye ezerbeyjan munasiwetliride dénamik küchning barliqini tekitlidi.

ilham eliyiéw taghliq qarabagh meslisi üstidimu toxtilip, «epsuski bu mesilide diqqetni tartqudek birer netije yoq. buning aldinqi qatardiki sewebi erméniye hökümitining ünümsiz siyasetliri, bolupmu qarabaghning erméniyege tewe ikenlikikini ilgiri sürüshtek bayanatliri boldi. bu ghelite bayanatlargha qarita hem siz, hem bashqa dölet rehberliri (yawropa bixeterlik we hekarliq teshkilati minsik guruppisigha eza döletlerning rehberliri) teripidin munasip shekilde jawab qayturulghanliqigha söyündüm. biz yawropa bixeterlik we hemkarliq teshkilati minsik guruppisi teng derijilik bashliqliri bilen bolghan hemkarliqimizni dawamlashturimiz. yéqinda ezerbeyjan we erméniye tashqi ishlar ministirliri körishidu. muzakire basquchigha aktip qatnishishni dawamlashturighanliqingizgha ishinimiz» dédi.

rusiye tashqi ishlar ministir lawrowmu rusiye bilen ezerbeyjan otturisidiki soda omumiy sommisining uchqandek éship, bu yil 3 milyard dollargha yétidighanliqini bildürdi.

rusiyening ezerbeyjangha salghan biwaste sélinmilirining 1 milyard 500 ming dollar bolghanliqini eskertken lawrow, ezerbeyjanda rusiye meblegh salghan 300 din artuq shirketning paaliyet qiliwatqanliqini éytti.

taghliq qarabagh mesilisining siyasiy hel qilish charisi üchün qilnidighan nurghun xizmetler barliqini tekitligen lawrow, her qaysi tereplerning birleshken döletler teshkiti nézamnamisi we hélsinki qararnamisida belgilengen pirinsiplargha zit bayanatlardin uzaq turishi lazimliqini qeyt qildi.  

 



مۇناسىۋەتلىك خەۋەرلەر