илһам әлийиев: әпсуски ишғалийәт астидики тағлиқ қарабағ мәслисидә нәтиҗә йоқ

әзәрбәйҗан пирезиденти илһам әлийиев ишғалийәт астидики тағлиқ қарабағ мәслисидә әпсуски диққәтни тартқудәк бирәр нәтиҗиниң болмиғанлиқини ейтти.

илһам әлийиев: әпсуски ишғалийәт астидики тағлиқ қарабағ мәслисидә нәтиҗә йоқ

түркийә авази радийоси хәвири: илһам әлийиев әзәрбәйҗанда зийарәттә болуватқан русийә ташқи ишлар министири сергей лавровни қобул қилди.

әзәрбәйҗан пирезидентлиқидин елан қилинған байанатта, илһам әлийиевниң «2019йили русийә әзәрбәйҗан сода мунасивәтлири нуқтисидин ғолибилик бир йил болди вә йил ахириға қәдәр сода омумий соммисидики өрләш %25 гә йетиши мумкин» дегәнлики билдүрүлди. 

илһам әлийиев қатнаш саһәсидә йахши нәтиҗиләрниң қолға кәлтүрүлгәнликини, пат йеқинда самур дәрйасиға йасалған көврүкниң ечилидиғанлиқини әскәртип, русийә әзәрбәйҗан мунасивәтлиридә денамик күчниң барлиқини тәкитлиди.

илһам әлийиев тағлиқ қарабағ мәслиси үстидиму тохтилип, «әпсуски бу мәсилидә диққәтни тартқудәк бирәр нәтиҗә йоқ. буниң алдинқи қатардики сәвәби әрменийә һөкүмитиниң үнүмсиз сийасәтлири, болупму қарабағниң әрменийәгә тәвә икәнликикини илгири сүрүштәк байанатлири болди. бу ғәлитә байанатларға қарита һәм сиз, һәм башқа дөләт рәһбәрлири (йавропа бихәтәрлик вә һәкарлиқ тәшкилати минсик гурупписиға әза дөләтләрниң рәһбәрлири) тәрипидин мунасип шәкилдә җаваб қайтурулғанлиқиға сөйүндүм. биз йавропа бихәтәрлик вә һәмкарлиқ тәшкилати минсик гурупписи тәң дәриҗилик башлиқлири билән болған һәмкарлиқимизни давамлаштуримиз. йеқинда әзәрбәйҗан вә әрменийә ташқи ишлар министирлири көришиду. музакирә басқучиға актип қатнишишни давамлаштуриғанлиқиңизға ишинимиз» деди.

русийә ташқи ишлар министир лавровму русийә билән әзәрбәйҗан оттурисидики сода омумий соммисиниң учқандәк ешип, бу йил 3 милйард долларға йетидиғанлиқини билдүрди.

русийәниң әзәрбәйҗанға салған бивастә селинмилириниң 1 милйард 500 миң доллар болғанлиқини әскәрткән лавров, әзәрбәйҗанда русийә мәбләғ салған 300 дин артуқ ширкәтниң паалийәт қиливатқанлиқини ейтти.

тағлиқ қарабағ мәсилисиниң сийасий һәл қилиш чариси үчүн қилнидиған нурғун хизмәтләр барлиқини тәкитлигән лавров, һәр қайси тәрәпләрниң бирләшкән дөләтләр тәшкити незамнамиси вә һелсинки қарарнамисида бәлгиләнгән пиринсипларға зит байанатлардин узақ туриши лазимлиқини қәйт қилди.  

 



مۇناسىۋەتلىك خەۋەرلەر